圖片來源:【蘋果日報】(請不要拉我)
【蘋果日報】十一月二日
香 港 著 名 新 潮 家 具 精 品 店 住 好 啲（ G.O.D. ） ， 玩 gag 玩 出 禍 ， 該 店 推 出 一 款 印 有 「 拾 肆 K 」 字 樣 的 T 恤 惹 上 官 非。 警 方 昨 日 大 陣 仗 掃 蕩 該 店 港 九 新 界 五 間 分 店 、 寫 字 樓 及 貨 倉 ， 拘 捕 包 括 身 為 設 計師 的 東 主 和 店 員 等 18 人 ， 指 他 們 涉 嫌 管 有 三 合 會 物 品 ， 並 撿 走 88 件 「 問 題 T 恤 」及 500 多 張 同 樣 設 計 的 明 信 片 。創作自由與打擊黑社會文化是否有衝突?
上面那件Tee會使你想起某黑社會的名字嗎?
可能大家嘅答案都唔會相同,
但今次為咗款Tee和幾張明信片就咁大陣仗,
警方分明係做畀人睇囉!
你有無上面款Tee先,
有就快啲燒咗佢啦,
唔係好易惹禍上身架!
23 則留言:
真係愕左然囉~ 當然，如果係寫「我係拾肆k」或者個logo同真0個個差唔多樣就有問題0者，但係單靠呢三個字就同真0個個扯上關係，個理據薄弱左0的。
翔,
可能因為有些真嘅黑社會自己印製咗啲有黑社會字眼嘅tee,
所以今次警方先會咁高調,
你話見到咁嘅字加埋黑色地,
會唔會好易諗到黑社會吖!
大有問題!
最小有心理威脅.
我支持警方有理.
若到發生事件, 到時又有排嘈!
警察應該唔會告,因為告左都好可能告唔入,不過,今次GOD真係賺曬,全港媒體免費廣告,成千萬廣告費.....
真係玩大左 !
其實我唔覺得有啲咩.... 起碼我見到時真係一啲都聯想唔到黑社會囉... 我總覺得, 件衫有無問題, 同係咩嘢人睇係好有關連, 佢本身有嗰啲背景或成日接觸嗰啲文化嘅, 咪可能一睇就諗到囉! 基本上我覺得有人當"色戒"係咸片咁睇同淫檢處覺得大衛像係淫穢及不雅物品係一樣!
今朝見到啲報紙社評話G.O.D要有社會責任呢樣嗰樣咁, 班差人又話個設計令人聯想到就已經好唔啱, 又話佢哋唔應該美化黑社會文化, 我想問: 咁點解以前咁興嗰啲古惑仔片又無人俾人拉呢? 咁阿杜sir都成日拍黑社會片啦! 咁又唔見有人話佢嘅? 仲威到去外國, 攪到啲鬼佬以為香港真係黑社會惡晒!
整件事我只得一個感覺: 做show咁做!
不過最有得着嘅都係G.O.D, 各大媒體爭住同佢免費宣傳, 誰與爭鋒???
space,
我都同意,
雖然原意未必係咁,
但話設計時諗唔到有咁嘅影響都唔信!
茂斯,
我都估告唔入,
但今次係做畀啲社團睇嘛,
G.O.D係咁次嘅受益者就真囉!
露比,
你話啲警察定係個設計呀?? :)
Aamary,
我都知每個人嘅看法都唔同,
但有些黑社會真係曾經印製類似嘅tee,
所以真係好小心處理,
尤其係啲小朋友,
好易學壞,
對於阿杜嘅黑社會系列我一向都反對,
每次落去旺角見到啲潮童就驚佢哋有樣學樣,
如果你看過旺角午夜場就知而家好多少年好易學壞架!
我個人覺得今次警方係太高調,
其實低調啲叫佢唔好賣都ok吖!
I don't think the police can legally charge them. However, I still the designer has crossed the line. I guess he/she just tries to be different.
ruth,
我都係咁諗,
咁高調都係想嚇吓佢哋!
我都覺得今次O記真係好誇張
我覺得d警察要面呀ma~
人地就反黑~
你就賣黑~~幾無面ar!
lala,
警方真係高調咗啲,
可能係想做畀啲黑社會睇,
因為早前試過有元朗區的黑社會想印製自己堂口的t-shirt嘛!
yanyan,
我個人覺得咁次個設計明顯係過咗火位喎!
就是因為告時告唔告得入,
borderline case,
唔可以輕視,畀GOD 偷雞,
以後挑戰法律更多,
皇仁龍系龍是蟲,
睇清楚下先!
SPACE,
住好啲擺明想走法律罅,
至於黃仁龍點處理,
都係要睇法例而定,
唔係就變成人治不是法治了!
我覺得好少題大做
coobe,
我覺得係做畀黑社會啲人睇的!
人治不是法治.....中國化嘛!
space,
被你吹脹! @____@!!
發佈留言