呢舊唔係炸魚片條,
亦都唔係玉子豆腐,
而係一舊好似海綿嘅乳膠物體,
佢有好強大嘅吸水力,
可以係十幾秒內吸哂成碟水架,
係未超級勁神奇呢??
我見佢八蚊舊咁平咪買返塊玩吓囉!
新鮮仔:『出咗好耐啦,你而家先發現呀?』
新鮮人:『我之前都見過,但唔知係物東東嘛!』
新鮮仔:『你而家又知?』
新鮮人:『我噚日係特賣場見到,問隔離個師奶咪知囉!』
新鮮仔:『三鬼唔識七你點問?』
新鮮人:『我話:"小姐,請問哩舊嘢有物用架?"囉!』
新鮮仔:『你好cheap呀! 見到師奶叫人哋做小姐!』
新鮮人:『有物咁cheap呀?佢聽到都唔知幾開心呀!仲介紹埋塊布我用添!』
新鮮仔:『我想嘔~~~~~~~呀!』
新鮮人:『你唔係想嘔,你想死就真,五行欠打啫!』
14 則留言:
我屋企都有幾舊架，無聊起上黎都幾好玩架 :p
哈哈哈...
風子: 你好cheap呀!見到師奶叫人哋做小姐!:p
翔,
真係好好玩架,
見到佢唔洗十幾秒就吸乾啲水,
真係好神奇喎! :p
風子,
新鮮人:『你梗係想學新鮮仔嘅收場呢喃』 :E
我本來想問下你嗰嚿係咪"激落君海綿", 但咁平又唔似喎....
pigbon,
唔係"激落君"係"新鮮君"啫!
哈哈哈哈哈~~~~~~~ :p
呢舊野好好用架, 不過如果舊野太乾﹐就吸唔到水架啦﹗
早幾年有塊橙色的布，
也是以能夠迅速吸水，
在各商場表演兼售賣，
初時賣到卅呅得一條，
依家在十元店都買到，
我都有一條放在錢七，
方便打翻了飲品之時，
可以能迅速吸乾液體，
是否同一物料，
改改果個形狀，
再斬多啲銀両？
大雄,
太乾?
你意思指太舊?
定係唔以畀太陽曬佢呢?
space,
我就未見過你講嗰塊橙色布呀,
不過好似你咁講都唔奇吖,
錢梗係想揾多幾次嘛!
咁到底有咩用架!~
咁面油就話有用啫!hahaha~
YANYAN,
可以用黎抹浴室,厨房啲水迹,
諸如此類啦!
仲有可以用黎玩囉! :p
新鮮人早晨：
我鐘意睇啲gadget
就算唔買都得個知字。\^_^/
冷風,
我都喜歡架,
有時會揾到啲新奇嘢,
就好似小朋友睇玩具咁! :)
發佈留言