期望愈大,失望愈大,
睇完"魔幻羅盤"(Golden Compass)得一個字:悶!
都唔知係原著問題定係改編得唔好,
故事鬆散,人物又多又亂,
睇到一頭霧水想訓教!
有人話睇完原著才睇戲會易啲明,
咁你又無理由要人人睇完本書先入場架?
最難明嘅就係嗰個黃金羅盤,
都唔知佢點運作嘅,
好似淨係個女童星識點睇,
轉吓轉吓跟住就一陣霧咁樣,
然後就可以尋人尋物尋事實,
真係兒戲都飛起,
都唔知佢做物,吹脹!
宣傳片話係一部"史詩式"嘅大製作,
我就唔多覺有幾"史詩式"了,
全片最有睇頭就係隻北極熊,
啲CG真係做到好似真嘅一樣,
另外入面隻飛船外型都幾靚,
除咗這些,我唔覺得有物咁好!
女童星Dakota Blue Richards未見突出,
樣子又不是討好兼角色包抅頸;
Nicole Kidman咪又係咁樣,
演技不過不失無驚喜;
男角Daniel Craig出場都唔夠十分鐘,
都唔知點樣畀評語,
還要一提的是本片又好似Lord of the Ring咁分幾集,
睇完散場都好似唔完咁,
要睇嘅就要等中集和下集嘞,
再唔係就買本原著睇,
咁就唔洗到喉唔到肺啦,
如果有得再揀,我一定唔會入場睇!
14 則留言:
I got attracted by the ad. Good to know your comments.
Bought a lot of DVDs on classical music. Can watch them over the holiday.
我都睇咗！
好失望一句『乏善足陳』，不知是否全三集已經拍好，否則 中女孩長大得太快，好像哈利波達咁，恐怕要換角了。
啲場面已經系之前見過了，如果不是原著擁躉，好似我咁樣，真是畀佢悶親！
ruth,
我覺得麻麻地,
唔知其他人是否有一樣的看法,
但唔睇唔會係損失吧!
聖誕節快樂呀! :)
space,
這是近期你同我有相同意見第一次呀,
可喜可賀! :)
我有個同學話自從<<魔戒>>後
所有有「魔」字既片都係爛片...
睇黎呢套片又係一個例證~
寄望 national treasure 2 會有啲睇頭喇！
伊麵丹，
咁哩套都未算爛，
只是麻麻咁啦！
SPACE,
我都諗住睇,
而家真係有少少擔心! :(
睇0黎意見都幾一面倒，好彩我仲未睇...
Nicole Kidman當然係做來做去都係咁..haha~~
好彩我憎佢~所以一定唔會睇
翔,
咁你就要考慮吓嘞! :)
yanyan,
點解你咁憎佢呢?
係唔係同佢前夫有關呢? :p
聽過一番劣評如潮, 我反而覺得ok D (滿心期待去睇肯定失望~)
個故事係我中意果類型黎架, 可惜節奏有問題, "趕書"趕得甚嚴重...
視覺上幾好, 幾中意各種場景同造型~
另外要睇Nicole Kidman的話, 我仲係推介Moulin Rouge 情陷紅磨坊~
OSCAR,
無期望就無失望,
可能當初期望過高了!
發佈留言