相信大家日日都收好多垃圾電郵,
唔係話你中咗獎就係話有著數益你,
真係煩到死,信佢嗰個都儍架!
但係世事無絶對,
呢個世界就係有人儍成咁,
見到垃圾電郵有股票貼士就照買,
結果就幫人賺到笑囉!
早前唔知美國定邊樹嘞,
有個垃圾電郵大王發出成億封電郵,
話中國某幾隻仙股將會暴升,
叫人好好把握時機云云,
而自己就一早大量低價入貨,
你都唔好話佢唔醒,
成億封電郵喎,
就算得10%嘅蠢人信都有成千萬啦,
結果那幾隻仙股真係升到"巴巴"聲,
而個垃圾電郵大王就梗係豬籠入水啦!
好嘞, 而家美國政府要告佢亂發垃圾電郵,
不過告得黎都無物用,
一來唔知告唔告得入,而且有排搞,
二來就算告得入又點,
佢啲股票斬獲都袋袋平安啦,
你政府又罰得佢幾多?
所以話呢個世界係有好多蠢人造就咁多古惑友所致!
10 則留言:
係呀，上年有好多人用電郵依招在股市搵錢呀！唔知咩人寄來的電郵都是不看為妙
bbj,
最難得係有人信喎,
真係畀佢哋吹脹! -___-!!
個垃圾電郵大王係勁人
成億封電郵，寫套program 黎send都要唔少時間
呢個世界就係有佢呢D有能力，但係心術不正既人
個世界至咁笠笠亂～
呢個世界多「蠢人」其實話唔定就係呢D人造成
伊麵丹,
但係貪心之過,
垃圾電郵大王唔貪心就唔會咁做,
啲人唔貪心就唔會信佢,
貪字得個貧,
錢來得易,去得快!
反而我係搵人水魚的那一種人.
獵人,
我都覺得係!
一山還有一山高,
你要做個有品有格嘅人,
千奇唔好為財失格呀!
我成個sina mail幾年前就已經俾spam攻陷左~一早已經無用了~!
我仲係sina第一批既user!
我真係收到好多中獎email架..hahahaha~
我個blog都有spam~不過有個anti-spam既programme先可以頂住~真係好煩~~
富貴險中求 有危就有機
啲基金經理都是趁低吸納
跟著唱好趁高慢慢出啲貨×
我等小投資者就是攀車邊
從中賺啲咖啡錢在爆煲之前離場
至于甚麼是適當時候離場最好呢
這就是『富貴險中求』最高境界
×
政府已經立例管制
唱好時要披露資料
好多人已經『舔嘢』
要好小心步處至得。
yanyan,
有時真係唔明啲人點解咁鬼討厭! =__-"
space,
投資嘅嘢你叻好多,
你講我聽囉! :p
發佈留言