舊年一月試過【泰妃雞】覺得質數唔錯,
早前再去她們灣仔三角街分店再試,
發覺水準比總店差不少,
不單價錢貴咗($40包杯飲料),
啲雞肉又"鞋"咗,唔夠滑,
所以噚日係灣仔譚臣道(近油站)見到有間【泰國人海南雞飯】,
就走入去試吓啦,
入到去剛剛有位,
但午餐時間真係坐得好擠逼,
食飯時隻手好易撞到隔離,
不過都無計啦,午飯時間嘛!
叫咗碟招牌海南雞飯,
啲飯都ok,但没有【泰妃雞】的香,
啲海南雞就真係麻麻哋,
一來凍凍哋又"鞋鞋"地,
只是好過普通餐廳少少,
如果同泰妃雞三角街分店比就差不多,
若同【泰妃雞】灣仔活道總店比就差很多了,
所以我再食都是會選擇返【泰妃雞】總店!
服務質數方面,
【泰國人海南雞飯】真係麻麻,
唔單止安排入坐混亂,
落單跟單都亂七八糟,
完全唔識管理和安排,
最差嘅係明明$38個餐包冷熱飲品嘛,
點知叫什麼熱嘢都無,
淨係得凍冰冰嘅汽水,
天寒地凍你叫人點喎,
睇返網上的評語先知哩間嘢嘅服務質數其差,
食物又唔好,服務又唔好,
如果再唔改善吓,
佢哋遲早都係要摺啦!
16 則留言:
去到灣仔譚臣道，點解唔試下，
『悅香～香妃雞』，
以前試過，經驗不佳？
space,
我窮囉,
午餐簡單三四十銀就ok,
再貴啲真係唔捨得啊! :(
roadshow D廣告賣到咁行
點知原來係咁架，失望:(
space,
我上網睇,
哦人話唔好食嘅!
http://www.openrice.com/restaurant/sr2.htm?shopid=4187&comstart=10
伊麵丹,
咁我又無留意到有咁嘅廣告喎,
買得真係好行???
我都試過,都幾唔掂,係個D唔會返轉頭在幫襯的舖頭.
泰國人海南雞飯勁唔掂，我同事已經發哂警告叫我地千其唔好去呀！
木頭狗,
我之前都唔知,
而家一講就咁多人話唔掂!
佢哋真係好自為知了!
bbj,
我都覺得麻麻,
唔食無損失,
但係嗰日午飯時間仲係好多人等位,
真係唔多明白!!??
我都好耐無去『悅香』囉，
好少經過又合時間吃飯，
亦沒有專誠去吃，哈哈哈！
悅香的碟頭雞飯以前都是二三十元，
好久沒有去吃， E+要幾多唔知，
新鮮兄太謙虛喇！
幾乎日日搭巴士返學放學都有泰國人海南雞既廣告......
咁多人等位因為巴士上的roadshow勁賣廣告．
space,
"開飯啦"入面好多人都話佢水準差咗,
而家好多老治號都保唔住個招牌,
可能老師夫都開始退下來,
新一代又接唔住,
加上主理人又唔跟隨代時改進,
可能好多會比人追上了!
伊麵丹,
我好少搭巴士,
所以唔多覺喎!
bbj,
睇黎巴士啲roadshow都有啲作用喎,
不過唔好食,服務差,
去一次就無回頭,
就算再賣多多廣告都無用啦,
應該從基本食物質數和服務水平開始嘛!
發佈留言