街坊辦館老闆:『我哋哩行没落了,無得做!』
一枝美極鮮醬油惠康賣$13.2,百佳$13.8,
但辦館入貨量少,來貨貴,要賣$14才可以維本,
小企業生存嘅空間愈來愈少!
早前行經德福商場,
見開了不少新舖頭,
美心大酒樓,美心快餐,美心Food2,元氣壽司,中國芳,星巴克,稻香超級漁港,翠園,心泰....
以上全是美心旗下的食店,
德福商場超過半數的食肆都是美心的,
一個地方的飲食由單一集團壟斷,
其他競爭者根本無辨法落腳,
結果只會使大眾的選擇愈來愈少,
到時市場價格再起不了作用,
大家最後只會肉隨粘板上,
任由大集團宰割!
早前得知領滙旗下的商場都有類似的情況,
大店如百佳和惠康之類都會有極大的租金優惠,
而且是遠遠低過市場價格的,
再加上大集團入貨平,又有上架費賺,
更加形成壟斷市場的局面,
無怪近年屋邨的士多辦館愈來愈少,
而政府卻無視問題每況愈下,
如果情況再如此發展下去,
一來市民選擇會愈來愈少,
二來小企業生存的空間亦愈差,
三來貧富懸殊的情況也會愈明顯,
到時我們的小市民無論起居飲食,
以至生活的必需品都只可以幫襯幾間大商號,
情況就好似幾百萬人幫幾個有錢人打一世工一樣了!!!
相關文章:
無賴與無能!
肉隨粘板上
30 則留言:
唉！真係到處楊梅一樣花。
冷風,
你那邊都是這樣嗎??
旺角波鞋街，有十幾間鋪，但其實是由三四個老闆開的聯營，也是集團經營。第一間劏唔到你，仲有第二次第三次機會。相信其他行業，也是這樣經營。香港沒有『公平競爭法』，『反壟斷法』， 肉在粘板上！
space,
說得對,
不過波鞋唔係必需品,
影響無咁大,
但而家幾個集團所包括嘅業務就控制了我們日常所需了,
我們根本無辨法可以逃出佢哋嘅魔掌,
政府都唔正視吓,
唔怪得政府成日畀人話幫哂啲商家佬啦!
嗄！
你用美極鮮醬油當水飲架？
係外國好多唐餐館都標榜不用Maggie sauce !
space,
會咸死架,
你當我儍咩!
我係話日常用品,
衣食住行啲嘢呀!
好有感觸，因為我做的是一間很細小的公司，也正面對大財團搶客。唉！
我用開家樂牌鮮露! XD
北美其實都係o甘，傢俬百貨、五金、汔車零件、超市全部都係大財團背景，不斷收購吞拼，即使現職公司都係一樣，有潛力或嘗試競爭既都被買起！
MC~
I like 家樂牌 soy sauce more
孱仔,
有錢嘅就更有錢,
我們小市民生活愈來愈難了,
不過唔好放棄,
生活總會有開心嘅一面! :)
tofufa,
我反而覺得家樂牌無咁鮮味,
不過人人口味唔同嘛! :)
mugen c,
家樂牌好味啲?
我下次再試下先! :)
你說得對,
這種趨勢會有問題,
到時什麼都是由大集團玩哂,
我們就愈來愈被一少撮人控制哂日常生活了!
It's market economy. It may not be perfect. However, if government tries to interven everything, it will definitely be worse.
唔知點解, 我覺得百佳比惠康的分店數目多好多. 我有時覺得百佳壟斷了超級市場的市場.
就算美國有 Anti Trust 反托勒斯法，
都未能夠完全杜絕壟斷，最有名的是『微軟』的 98視窗 NT 視窗 2000視窗 XP視窗， 攪了很多年，最後祇是象徵式，傾掂條數，罰款了事，幾年間『微軟』已經更新，開發了 vista，再唔罰款，就已經 phase out，用咗控告啲錢，都補唔返。
香港攪反托勒斯法，要平衡 cost and benefit，用納稅人的錢去告，得到的是幾多呢？香港人口是七百多萬， put good money on bad money 又是否值得呢， 唔同人地一國有成二三億人口，呢點要衡量一吓！
另， 現今，油公司是有幾間，但汽車用電油，是差不多同價的， 價格協議 cartel
多年還未能管理得好，兩電利潤管制，9.99%，真係得啖笑！
要睇是乜政府，攪個 『反壟斷法』，祇有嗮納稅人的錢在行政費用，而冇功而還。
RUTH,
你抱的是自由市場經濟論,
但隨着時世不斷改變,
我們是有必要加以檢討的!
我們不是要政府全面介入,
但就現今所見,
壟斷的情況的確愈見明顯,
政府是不是注意和留意一下呢?
walter,
你講的是事實,
大集團是有壟斷的趨勢喎!
space,
好嘞,
你破完,
有無立說呢?
對於面對嘅問題,
又有什麼建議呢?
Laissez faire policy
前些時候已經講過
根據經濟學 供求理論
過剩的會自動流失，遷移多別處，
有需求的就會吸引，外來者加入。
無論是 人、公司、機構、有著數搵，就有外來者，否則就會遷離。
香港小地方，應該小政府，加多啲行政機構，不但浪費納稅人啲錢，而且事倍功半。
不干預政策 Laissez faire policy 是香港立足世界的重要支柱 pillar，去年香港仍然被評為世界上最具『競爭力城市』，暫時比時常窺視香港，冇時冇刻，想超越香港的星架坡還高，亦有賴于此基石 corner stone。
香港有還可接受環境有自由
限制少稅率低醫療好貪官少
人的流出流入其中主要原因
是否有錢可搵人身相對安全
若果除笨有精條數計得有利
自然會湧入來否則就是搬離
政府祇宜偶然 Fine Tune 一吓，
有時 Bridge the Gap 一陣，
Caveat Emptor 便可，
唔鐘意就用對腳投票喇，無人鎖著你！
到此為止，請請！
p.s. 恐懼九七回歸啲人，咪大部份已經回流，
因為香港仍然是『搵錢的好地方』！
orz
SPACE,
你咪講完就走呀!!
自由經濟論都好多年啦,
係咪金科玉論唔可能動分毫呢?
你講嘅係大商家投資環境問題,
對於小市民,小企業所面對的問題,
財富不均嘅問題,
你都是受苦的一份子,
你自己上面都講咗好幾個壟斷嘅例子啦,
你又認為政府應該點"FINE TUNE"呢???
SPACE,
你咪成日叫人用腳來投票,
有問題就要走,
這是我們的家,
唔通我們唔可以要求政府做了啲?
換轉頭來遘吖,
政府做得唔好,
我叫佢下台得唔得吖?
係唔得嘅,
因為我們都無否決權,
上面玩哂嘛!!!!
想問問,
你認為而家政府對"壟斷"這問題,
是否做得"FINE TUNE"得OK吖???
你住香港區,
電費貴我20%,
你條氣順唔順吖??? :P
你住香港區,電費貴我20%,你條氣順唔順吖??? :P
係上面已經答嗮個囉播，
不過你既然問到，就答多次。
請睇返
『若果除笨有精條數計得有利
自然會湧入來否則就是搬離』
電費確係貴過九龍，但我返工也是港島區，如果我搬去九龍，交通費加埋時間上的損失，還有其他的不方便，加加埋若果除笨有精，條數計得有利，我當然留返係港島區喇，否則就是搬離。
『政府祇宜偶然 Fine Tune 一吓，
有時 Bridge the Gap 一陣。』
泛指一次過的政府措施，用非長期性的方法，用非經常性的做法，政府從行政手段或財務手段，來理順一些爭議落差時差 mismatch ！
SPACE,
點tune呢?
唔覺政府有意欲想tune什麼喎,
只見問題愈來愈明顯!
你少了選擇九龍工都無所謂,
但唔係人人都想少咗選擇喎,
就算住香港做香港都唔代表要畀貴啲電費架!公平咩?
減你電費同中電一樣,
你唔覺合利啲咩?
點解你要畀貴九龍人咁多呢??
政府有 tune，你唔認同啫！
另你話：
『你少了選擇九龍工都無所謂,但唔係人人都想少咗選擇喎,就算住香港做香港都唔代表要畀貴啲電費架!公平咩? 減你電費同中電一樣,你唔覺合利啲咩? 點解你要畀貴九龍人咁多呢??』
我冇咁講播，這是你講咋播！
我凈係話，夾夾埋所有 cost and benefit，pros and cons，利與弊，得益 和 損失，如果條數計出來有利，咪留返在港島囉，否則就搬喇， 就系咁簡單。
申延來講，若果你覺得香港九龍新界，有咁多不公平，唔順眼，唔合心水，你又唔搵個地方,比香港公平既地方,搬去囉，點解仲留返係度呢？
系搵唔到咁個地方？
系有人綁著你？
系有人你唔捨得？
咁你咪又唔系，計完成條數，覺的留返係度，有利于你，所以唔走囉。
space,
tune物呀?
你講啲做咗又有用黎聽吓,
係有用嘅你就唔會講到咁多例子啦!
有問題就叫我搬??
物嘢意思先?
你要睇清個問題,
係我錯定係政府無能,
政府無能我無權批評咩?
點解要我搬?
佢哋唔去檢討,
咁廢嘅政府,
有物資格去帶領人民呀?
你說的是什麼道理??
仲有你算過有著數先留在港島,
係你自己有利益都唔爭取,
本來可以畀少20%嘅,
你就用其它嘢來"補貼",
簡直是阿Q精神!
你就有得補啫,
無嗰啲又點呀?
又要人哋搬吓?
明明唔公平都唔出聲,
你做港燈架?
直言直說,多多得罪了!
睇你真係畀啲妹妹仔激親，
你都畀啲二手煙焗到好慶。
香港是自由出入若果政府
市道唔好咪離開囉就好似
你去到APM遇見啲老泥妹
你在試過等過企圖改不到
最後咪係選擇離開係唔係？
space,
一件還一件,
不能為人民謀幸福不是一個好政府,
要走嘅不是人民,
係政府,
有嘢就走是什麼理由?
就算走再遠,
我們的根都在這裏,
有吉士就要敢言直諫,
唔係妥協!!
你上上面話：
『政府做得唔好,
我叫佢下台得唔得吖?
係唔得嘅,
因為我們都無否決權,
上面玩哂嘛!!!!』
跟著又講：
『我們的根都在這裏,
有吉士就要敢言直諫,
唔係妥協!!』
個人的選擇，
就好似你鐘意蒸鯇魚尾，
我就鐘意蒸鯇魚較用腩。
再者 你都話『我們的根都在這裏』喇，
我的根就是在港島區這裡有我的根，
所以咪在衡量過之後仍然選擇港島區囉。
space,
討論完畢,
唔想再花時間,
根本唔會同你有共式,
大家立場和觀點都唔同,
費時傷和氣!
係咁先!! :)
發佈留言