昨晚發生了一件唔知好嬲定好笑的事,
大家有無試過用刀叉來食蒸鯇魚呢?
話說昨晚我買了條新鮮鯇魚尾返黎蒸,
點知一蒸完就覺得有啲唔對路,
點解條魚尾啲肉咁實嘅,
再用筷子拮下佢啦,
啲肉實到拮唔入呀,
睇落去又唔似唔熟吖,
咬啖試吓啦先知原來係條脆肉鯇,
真係畀個魚販吹鬼脹!
平時啲脆肉鯇係分開黎賣嘛,
而且又貴好多架,
點知噚日會擺埋一齊賣,
而且又無貴啲喎,
真係點都估唔到連魚佬都走漏眼,
將條脆肉當普通鯇魚咁賣畀我.
好啦,
食又唔係,
掉又浪費,
終於決定用刀叉切黎食,
係就係切得開,
但係就好"脆"好難咬,
結果咬咗幾咬就食唔落,
早知就用黎切片打邊爐啦,
你話係唔係笑鬼死吖!
我又想請教吓嘞,
大家從外表又睇唔睇得出,
脆肉鯇同普通鯇魚嘅分別吖?
25 則留言:
什麼是脆肉鯇? 同普通鯇魚有乜分別??
琴晚去左豬骨度打邊爐,唸住食完會曖回啦,點知食完重涷過未食,係低溫又風又雨真係好涷:(
風子,
脆肉鯇是特別飼養的,
啲肉質比較爽口,
不宜蒸煮,
只宜切片打邊爐!
相信space兄一定會有更詳細的補充!
你身子弱呀,
好好保護調理,
食返啲人蔘煲雞好喎!
你又講得冇錯播，我有補充！
脆肉鯇魚，除了用來，作火窩料，潮汕人仕，以前用來做『魚生』，香港人因為怕生蟲，已經甚少吃，用淡水的脆肉鯇魚魚生了。
但在東南亞，例如星馬的華人， 就很盛行新春團拜時， 吃脆肉鯇魚做的魚生，連埋一些蔬菜，加麻油，芝麻，大家一起圍埋一齊撈魚生， 取其好意頭『撈起、撈生』。 我亦有參加過，但一齊撈撈生，食就唔敢嘞。
聽啲星馬朋友，因為真係唔生蟲，都會腸胃炎，近來他們都改用『三文魚』來『撈起、撈生』！
另，講起蒸 『鯇魚』，
我通常買魚較連鯇魚腩來蒸，
不會買魚尾和魚脊。
不過自從話大陸來的鯇魚吃抗生素吃肥仔丸，
已經很久冇買來蒸嘞！ 又少一樣美食，又少一樣口福！
脆肉鯇SIZE大好多架!!
我見親都大50%以上
摸上手會硬身D(不過我好耐冇食過,唔太肯定)
I don't know they are 2 different kinds of fish. I always think it's just the gimmick people call it differently.
space,
謝謝你的補充! :p
我知你一定忍唔住,
所以特登留返畀你講架!
哈哈哈~~~~
三文魚都唔好得好多,
好似你話過,日本人都唔敢食啦,
係未?
魚腩係好食,
但比較肥,多油,
魚尾都可以架,
食落都唔錯! :)
天使,
我見到啲又唔多覺大好多喎,
而且切開一舊舊就更難分了,
不過我噚晚摸落又唔覺有咁分別,
最慘係無理由連魚佬都搞亂嘛,
用普通平嘅價錢賣條脆肉鯇畀我,
佢咪蝕好多囉! :p
ruth,
是真的,
一食就知,
分別好明顯,
脆肉嘅切片打邊爐好爽口,
落滾水都唔會散開,
普通嘅就會爛開散哂,
所以是真的分別的!
哈哈...下次唔好幫襯個間!!
我估魚佬蝕3成到啦....
咁,我明啦!我唸我兩樣都食過啦 :)
btw,幾時新鮮邀得space於新鮮咖啡店客席???來一場沒圖有文話說???你倆位真係搞鬼,呢位講咁d重要留一白,另位又會補位跟往講埋落去 XD ~
個名好聽點咋．．．唔好傻啦！
哎呀，0徒晒~~
南洋男女都嗜辣
他們話啲勁辣椒
可以殺三文魚蟲
因為是外來的魚
啲蟲還未適應到
本地的鯇魚蟲因
土生土長殺不了
減少用本地鯇魚
可以食三文魚生
自我安慰繼續食
你下次食三文魚
加辣椒加話沙吡
咁就一定唔使驚
你應該又開心佢冇收多你
又煩惱點處理佢好
呵呵:)
天使,
我話要幫襯先啱呀,
下次打邊爐買脆肉鯇可以慳好多嘛! :P
風子,
SPACE是一個博學多才的人,
所以特登留個住畀佢架,
可以畀大家知多啲,
對大家都有好處嘛!
BBJ,
真係有分別架,
而且好明顯,
唔信你可以買黎試吓喎!
SPACE,
我不愛吃三文,
而且話辣椒可以殺菌??
哈哈哈~~~
咪搞笑啦,
殺傷風感冒都未得啦,
何況是蟲!!!
哈哈哈~~~
你試吓先啦! :P
伊麵丹,
得物又無用,
何喜之有???
最後都係掉了! :(
我咪話佢地『自我安慰繼續食』！
我梗係唔信食辣可以殺蟲喇，
唔使試都知道是無稽之談，
不過我真係聽過佢地咁講，
係講笑啫，如果咁都信，哈哈哈哈！
睇漏了 風子說：
『幾時新鮮邀得space於新鮮咖啡店客席???來一場沒圖有文話說???你倆位真係搞鬼,呢位講咁d重要留一白,另位又會補位跟往講埋落去。』
剛剛又忘記了答，再返嚟答 風子
新鮮兄咁畀面，點名叫我補充，點敢殆慢呢？大家開心玩吓無妨！ 歡迎加入，你又補充一吓，睇吓有乜遺漏？分享一吓！
SPACE,
幾時變得咁幽默架?
你講我就信架啦!
哈哈哈~~~~~~
我冇幽默到播
乜嘢令你以為
我玩幽默既呢
我都冇幽默感
上面
『不過我真係聽過佢地咁講，
係講笑啫，如果咁都信，哈哈哈哈！』
意思係我個次，仲分得出，是講笑，定係講真，
雖然我好多時差不多先生上身，會撈亂講笑講真，
如果有發生會錯意之時，還望多多體諒見諒原諒！
space,
這篇都是玩笑文章,
大家談談笑笑,
不需認真,
笑完就算! :)
發佈留言