唔係親身聽到都唔會相信,
哩個世界真係有人好天真架,
就算做咗幾多年人都係咁話!
『我一向以為讀得書多嘅人啲人格好啲!』
當我聽到某人講哩句話時真係嚇了一跳,
有無人真係天真成咁呀??
人格同讀書有一定關係咩?
你估好似以前要讀四書五經咩?
就算讀咗都未必會做到啦,
你話佢係唔係"天真"過啲女明星吖?
佢咁天真唔怪得由細到大都揀埋啲損友做friend,
專門被人呃,被人揾笨都唔知,
仲死蠢到當啲損友係老死,
最經典嘅一次係被啲兄弟偷結婚人情,
當場被人睇到佢都唔信啲損友會咁做喎,
你話係唔係蠢過隻豬呀?
唉~~~ 無計,
咁蠢嘅人係無得教架啦,
希望佢以後唔會蝕大底就阿里吉帝了!
14 則留言:
咁！ 真係交唔到啲『益友』嘛，
如果唔交， 就連『損友』都冇播，
咁！ 交定唔交呢？
仗義多是屠狗輩啊~
讀書多反而可以用仁義道德來隱藏醜惡的人性，包裝成糖衣毒藥，是為偽君子。
Space, 你啲歪理特別多架，你仲飽拗頸果新鮮仔呀！
翔，好似呢個 blog 界咁，都有好多偽君子架。其實天下烏鴉一樣黑。
『我一向以為讀得書多嘅人啲人格好啲!』
諗起前排有宗名校學生非禮空姐案.
個男生坐小巴時扮訓, 摸人地. 後來個老師帶埋成班同學上庭去力撐果個學生.
最後個法官仲以"高材生"為由判個學生無罪.
=____="
咁,咁,咁...
咁,佢係咪讀好多書呢?自問人格係咪好d呢?
絕對認同人格同讀書扯唔上關係
就算有關，分分鐘係成反比
space,
唔係"交唔交"問題,
而係點樣揀朋友交往呀!!
翔,
人的好壞,
取決於家庭教育為主,
家長身教得好,
子女都不會太差,
讀書與否無最大的關係!
小豬,
但係天下除左烏鴉仲有白鴿呀! :)
oscar,
你講起我又記返件事了,
真係好離舖,
個先生真係不知所謂,
支物持喎?
支持佢叛罪定物嘢喎... :(
風子,
佢講書唔多架,
真係好鬼單純!
伊麵丹,
我話"讀書不一定有關係",
唔代表讀書無幫助噃,
你唔會誤會呀,
讀書但又無人格嘅係佢哋教而不善啫!
新鮮兄:
你話：『而係點樣揀朋友交往呀!!』
咪！ 講咗囉。。。
咁！ 真係交唔到啲『益友』嘛，
揀的『益友』但人地唔騷佢，
交朋友是雙方面架嘛係唔係？
單方面一廂情願係唔成事既，
啲自命『益友』好有道德心，
高高在上，但唔揀佢做朋友。
如果唔交， 就連『損友』都冇播，
咁！ 交定唔交呢？
space,
交唔到咪交唔到囉,
唔係咁就唔繼續交嘛,
斬腳子避沙蟲都唔得喎!
只要繼續,總有機會嘅!
發佈留言