前日又有酒樓結業,
土瓜灣一間開業僅三個月嘅酒樓忽然結業,
這個酒樓老闆只做了幾個月旺季就收工,
擺明是那種衰格嘅"割禾青"賤人啦,
之前已經拖欠薪金,
又唔肯供強積金喎,
又要工人六折支薪,
最後連人工支票都彈票喎,
邊度有人開酒樓三個月資金都唔夠架?
你話唔係一早就諗住賺完旺季就走佬都唔信啦,
難為啲開完工無飯開嘅員工呀,
咁賤嘅老闆唔驚生仔無蘿友架?
聽聞這間酒樓嘅前老闆都係三年"執笠"三次,
一來可以唔畀啲貨物尾數,
二來又可以唔清啲人工喎,
最賤係又請返啲舊伙記喎,
近年酒樓業不景氣,
啲舊伙記無辨法下唯有照做,
點都好過無工開嘛.
啲賤格老闆就係咁走法律隙,
次次執咗間公司又開過新嘅,
咁樣就"前事不計,人工免提"了,
年中都唔知賺埋幾多人家的"血汗財".
政府真係要諗吓計,
唔係咁搞落下唔掂喎,
唔通要啲工人個個擺眾緩佢先出手咩?
10 則留言:
又是角由『破產基金』嚟賠償畀啲工人喇，
不下十幾次是法律漏洞嚟其實是引人犯罪，
啲尊貴的，啲坐係『上/下 亞尼畢道的』，
成日話改都唔掂現時法例實是『紙老虎』！
SPACE,
早前好似有個賤酒樓老闆被人告到喎,
不過詳情就唔記得了!
你文中話筒一個老闆同一班工人？
聽聞這間酒樓嘅前老闆都係三年"執笠"三次,
一來可以唔畀啲貨物尾數,
二來又可以唔清啲人工喎,
最賤係又請返啲舊伙記喎...
咁係唔係『串通』 collusion 呀？
如果係咁，有可疑噃，連啲工人伙計，
都要查吓至得播！『破產基金』畀得咁順攤！
Some people's core value is money. So, they put aside moral and ethical issues.
According to Hong Kong's labour rules, http://www.cityu.edu.hk/searc/labourlaw/HK/html/HK_3.6.pdf, "wages are due on the expiry of the last day of the wage period, and should be paid no later than seven days after the end of the wage period." Employees should safe guild their own interest.
space,
前三年係同一個老闆,
今次就係另一個老闆,
部份員工為勢所迫下才同返佢做嘢,
我想啲工人唔會串埋嘅,
就算政府有得賠都賠唔足,
邊有人咁蝕底都做架!!
ruth,
法律係有,
但係啲老闆走法律隙,
執咗間公司,
咁樣就無得追,
結果又係我們納稅人出錢幫啲賤老闆畀錢啲工人囉,
你話激唔激氣!
【明報專訊】開業僅3個月的土瓜灣潮囍海鮮酒家，上周六突然結業，拖欠50名員工的血汗薪酬。根據潮囍的公司註冊資料，雖然註冊董事只得一名女子葉青玲，然而有潮囍員工相信，參與潮囍日常管理的羅姓男子，才是酒樓「幕後老闆」。該羅姓男子數年前曾在將軍澳兩度開設酒樓且極速結業，並拖欠180名員工薪金，最終被判罪成緩刑。工會擔心由於羅並非潮囍董事，向他追究會出現困難。
開業3個月的潮囍海鮮酒家在上周六突然結業，拖欠約50名員工合共80萬元薪金，工會指酒樓亦拖欠數十萬元貨數，而公司在結業前已將貴重食材及現金取走。
根據公司註冊處資料顯示，潮囍海鮮酒家由貫盈有限公司持有，但貫盈的註冊董事只有一名叫葉青玲的女子，她報住的地址亦只是酒樓地址。
但據工會及員工透露，相信一名叫「羅健禮」的男子才是酒樓「幕後老闆」，該男子經常留駐酒樓打點一切，不時會進入寫字樓工作，而「出面對外」則由葉青玲負責。
曾開酒樓 3月兩結業騙200萬
飲食業職工總會秘書李國華表示，據他向勞工處及工人了解，懷疑羅健禮才是酒樓真正老闆，而羅曾於將軍澳同一地址開設酒樓，3個月內兩度結業，先後拖欠180名員工近200萬薪金，最後在06年4月被觀塘裁判法院裁定欠薪罪名成立，判囚一個月，緩刑兩年。
李國華表示，羅健禮的緩刑期將在今年4月結束，呼籲關各部門調查是否有人在緩刑期內重犯。他指出，這是少見的新手法，因為表面上所有刑責及債務，皆是由已註冊董事負責，非董事的幕後老闆毋須負上任何責任。
本報將羅健禮當日出庭的照片給予一名潮囍員工觀看，員工即時認出該人便是經常在酒樓打點的「羅姓老闆」。本報曾到羅健禮報住的天水圍地址，但屋內人指羅健禮已沒有在上址居住。
只還60％欠薪 勞資周五開會
勞工處昨日曾與酒樓管理層聯絡，僱主昨日入錢到銀行戶口，將上周未能兌現的支票全部兌現。但這只償還了欠薪的60％，勞資雙方本周五將開會，商討餘下欠款的安排。
勞工及福利局發言人表示，董事有個人責任確保公司根據《僱傭條例》發放工資。就潮囍海鮮酒家的個案，勞工處正全力跟進，若證實僱主蓄意欠薪，局方一定會追究責任，將違例僱主及公司董事繩之於法。
潮囍幕後老闆前年欠薪入罪
space,
係啦,
早知哩個老闆係"扒街"黎,
如今果然無估錯,
咁賤格嘅人真係要好好處理,
最好罰佢幾百萬,
同以後唔畀佢和佢直系親人開店就啱架啦,
真係衰格都無人有,
遲早出街畀人斬呀!!!
又有新發展
【明報專訊】被拖欠血汗薪酬的約50名土瓜灣潮囍海鮮酒家的員工，獲僱主承諾在10日內支付被拖欠的四成薪金，但一眾被拖欠貨款的供應商仍在苦苦追數，昨天更趁勞資雙方召開調解會期間，直抵會議室門外，企圖迫使註冊女董事葉青玲解釋清楚。其間，有人疑以「人身安全受威脅」為由報警，結果會議結束後餘句鐘後，女董事由7名警員陪同下乘警車到黃大仙警署，一眾債主則被要求自行乘車到警署備案。
允10天內發欠薪尾數
開業僅3個月的土瓜灣潮囍海鮮酒家，上周六突然結業，並拖欠50名員工的薪酬。據悉，潮囍酒家的原東主透過朋友關係，認識一名羅姓男子，該男子其後以10萬元承接酒樓經營權，並承諾負擔酒樓逾130萬元債務。不過，10萬元「頂手費」至今只支付一半，逾百萬元債項亦只清還約一成。最少3間凍肉、食品供應商代表昨日在勞資調解會的門外，等待酒樓註冊董事葉青玲，期望對方解釋還款安排。
其中一名食品供應商楊先生被拖欠款12萬元，他說曾到過酒樓，但未能聯絡羅姓男子，獲發支票亦不能兌現，懷疑受騙。酒樓董事葉青玲在調解會結束後一直未有離去。1小時後有警員接到求助，到場陪同葉青玲離開，其後葉登上一輛有7名警員乘坐的警車離開。警員向楊先生登記資料，其餘數名原本站在勞工處門口外的「債主」，在警員到場後紛紛離去。
至於員工欠薪問題，已初步獲得解決。在勞工處安排下，40名員工昨天到到勞資關係科東九龍辦事處跟葉青玲舉行調解會議，經過超過4小時商討，資方同意在10日內支付餘下的四成薪金，款項約11萬元。對於代通知金安排，雙方一度有爭議；資方初時堅稱無力付款，令大部分合約期較短員工放棄爭取代通知金，其後資方讓步，結果17名員工會在收到「尾數」時，同時獲代通知金，涉及款項約9萬元。
潮囍債主堵勞資調解會
Space,
好明顯個老闆已經觸犯咗法例啦,
政府仲唔做嘢架,
捉淫照替恐鬼就咁快手喎,
捉奸商又唔見咁醒???
發佈留言