今年首三個月,
消委會已經接獲卅宗減肥纖體的投訴,
大部份投訴都有關廣告誤導及減肥無效.
其中一個個案是這樣的:
朱小姐花費9萬9千元購買瘦身療程,
當中包括60次連面部護理,
及搣脂的「埃及式古法瘦身」療程,
搣脂5次後,朱小姐發現身上出現紅斑,
搣脂15次後卻只能減掉『1』磅脂肪,
而且紅斑情況繼續存在,
朱小姐曾要求退款,
但遭職員拒絶!
朱小姐呀,朱小姐,
如果搣脂可以減肥嘅,
你不如揾啲豬肉佬幫你啦,
一來平好多,二來豬肉佬更加熟手,
佢哋日日都係對住啲肥淋淋嘅豬肉架啦!
要消脂嘅,唔該你做吓運動啦,
成隻死豬咁攤係度被人搣係無用架,
人豬啫,估唔到連個腦都咁豬,
抵你被人呃啦!
18 則留言:
其實。。。。
搣脂真係得架。有個auntie以前虎背熊腰﹐搣脂後成個fit晒﹐又無節食又無運動架。。。
不過佢話搣脂真係好痛﹐會成身瘀晒﹐又要有恆心﹐不過真係得喎~ ^^
我都有朋友話得，不過我又唔係好信喎！
減到可能係因為搣脂時由於太用力，令表面的肌肉好似做左運動咁．而且被人搣到成身瘀傷，又點會有心情食嘢，所以咪瘦囉．
冬冬,
但係我唔係好明,
搣吓搣吓最多搣散啲脂肪啫,
唔節食唔做運動點度有消耗呢?
啲脂肪點解會無咗呢??
bbj,
你嘅分析好有道理喎,
唔通咁都得?
計我話,
不過食少啲油膩,
做吓運動仲好啦!
仲可以令到啲肌肉firm好多添! =)
愛美是人的天性,尢其是女人...
9萬9千元購買瘦身療程?
看來女人錢真你易賺,唉...
風子,
蠢嘅女人錢仲容易賺! =p
No free lunch.
佢咁都信當然係蠢，
但可能佢真係好肥試過好多方法都減唔到呢..
會拿出9萬9來減肥都看得出佢幾絕望~~
要罵既不如罵下依家d減服公司越來越無良，
同埋大眾對靚既看法吧。
「老襯亭」都拆咗多年,太平山下仍有「老襯」??
搣脂你試過咩
又知唔得XD
我覺得搣脂係OK既
不過真係有用既我諗都好難搵
ruth,
no pain no gain! =)
yanyan,
絶望歸絶望,
哩個世界無醜嘅女人,
只有懶嘅女人,
啲呃人公司梗係要查封,
但係唔可以懶哂人哋嘛,
又要靚又要懶,
好易被人呃囉!
微豆,
愛美是天性嘛,
有時愛美會盲目啲,
好易做老襯架! =p
伊麵丹,
我未試過,
但係搣吓就會瘦唔合邏輯嘛,
而且我親耳聽過啲營養師講唔得嘛,
所以咪唔信囉!
肥婆求瘦心切 ＝ 窮人求財心切。
如此好易誤墮騙局陷阱，因為已經喪失理智。
我成日都覺得啲瘦身療程好呃錢，啲廣告sell到行一行，靠包裝，車！要減肥大把方法啦！去搣脂不如搵我針灸下仲好過，加埋食療，調理下身子同埋做運動，點都好過花9萬9千去搣脂啦！
豆豆,
係喎,
你可以咁做喎,
可能係一條財路黎架,
你都知啲人幾貪靚先得架啦!
投乜鬼訴丫! 淨係搣脂都肯畀10萬蚊, 根本係有錢無定使, "平平地"買個教訓算啦.
咁多減肥療程中, 我都係最buy跳舞減肥果個.
起碼鼓勵人做運動, 方向正確.
oscar,
所以咪係女人錢易賺囉,
蠢又貪靚嘅女人錢仲容易賺!! =p
發佈留言