如今會考中文出題愈來愈"貼近潮流",
某些試題更混入了不少流行"潮"語,
例如:
「Ｏ嘴」、「速閃」、「屈機」、
「潛水」、「蒲點」、「喪」...
試卷對以上"潮"語嘅解釋:
「Ｏ嘴」:嘴部因驚訝而變成圓形,近似英文的「Ｏ」字,
「速閃」:與"躲避"相近,例如"快閃"指快離開,
「屈機」:"屈"指屈服,『機』指電玩.意指無力取勝而屈服.
「潛水」:指人常常不露面,有如潛水員一樣,
「蒲點」:"蒲"有"浮"的意思,指遊樂."蒲點"指遊樂的地方,
「喪」:有"極其","誇張地"的意思,如"喪喊","喪玩".
我對以上大部份"潮"語都有點認識,
例如"喪"字, 楊千樺唔係成日掛係口邊咩?
"喪玩","喪蒲"佢訪問成日都講架啦!
但對"屈機"就好陌生了,
曾經問過某年青BLOG友點解,
佢嘅解釋係: "難以匹敵，無可比擬之類",
睇黎同試卷嘅解釋好有出入咁,
但唔知邊個先至啱?
"潮"語可唔可以入卷真係見人見智,
以前啲題目老土到係人見到都「閃」,
什麼"我的志願","母親節頌親恩"又真係好難頂,
而家啲"潮"學生見到實「Ｏ哂嘴」啦,
你叫啲學生哥去「喪蒲」就得啫,
叫佢哋作啲某嘅題目就實「屈機」囉.
但係點解今次考試局出啲咁"潮"嘅題目又唔掂呢?
咪好以前啲父母唔準細路哥食雪條一樣,
由細到大都話食雪條會咳唔畀食,
忽然有一日話你知可以食,
仲要鬥食得多鬥食得快咁喎,
你話啲小朋友唔「Ｏ嘴」至奇啦,
可能仲會無哂反應添,
所以話呢,
凡事都係慢慢黎,
太急進會嚇親人架,
況且啲"潮"語又無一定嘅標準喎,
更加未入"康熙大詞典"啦,
個個解釋都唔同,
你叫啲老師點評分先,
話唔定佢哋聽都未聽過,
唔通到時叫旺角啲"潮童"黎改卷咩?
32 則留言:
哈哈,我一D都唔「O嘴」!
不過我仍然見到人作到要加紙,呢點就真係「O哂嘴」!!
天使,
以前我都喜歡加紙嚇人架,
不過就係預科時考HISTORY不是中文,
我啲字又大佔位又多,
所以好快就寫完本答題簿,
係未好O嘴呢?? =P
屈機我依排成日用，
例如我課viusal merchandising，
因為我果組有兩個exchange學生，
而professor超鍾意excahnge，
我地做d咩出來都唔會插我地，
咁咪叫屈機囉!
CE/AL修尾果幾年都要攪D咁既野
大團圓結局咪幾好
E+睇你點落台
屈機唔係用黎形容輸果個
係贏果個，指佢有壓倒性優勢
不過重點唔係潮文
係考生角色、身份既問題
佢個資料係「香城日報」
潮文字眼同香港人用語似，但冇話一樣...
咁執著做乜呢
yanyan,
你嘅解釋又唔同其他人喎,
都唔知邊個啱,
或者應該問邊個意思廣乏多人用啲!
好憎啲崇洋怪,
cheap到爆! =E
伊麵丹,
我又唔覺好大問題喎,
啲人係未係都嘈一餐架啦,
係我就費事理佢哋,
一於借聾耳陳對耳!
我估考試局都係想話俾人知佢地係與時並進,追得上潮流姐~
好彩佢考個幾個潮語木頭狗都有聽過,都唔係好out.
還有『龜毛』 呢？
你在聊天室裡解釋過給我聽的哩。
木頭狗,
你都算"潮"喎,
連屈機都聽過!!!??
SPACE,
龜毛係來自台灣的,
唔係香港潮語喎!
I am never against such creative language. However, putting it into exam paper is another thing as there's no objective definition of them yet.
明天就寫返篇外來的『龜毛』囉！
Space,
都要有point先得喎,
唔係無端端寫有意思咩?
ruth,
咁又係,
不過可能旺角啲"潮童"最有資格解釋啲"潮"語了! =p
http://hk.youtube.com/watch?v=vELeIwaJ81g
睇完唔知你點睇
係呀,我department每年都有讀緊U 的人來做暑期工,佢地成日講呢D潮語架
伊麵丹,
睇完O哂嘴囉,
花咁多時間搞咁多嘢,
又無POINT喎,
見到份卷又唔識面對,
咪又佢哋繼續嘈囉,
將來都唔知點出黎面對工作,
有排佢哋受!
【明報專訊】中學會考中文科聆聽及綜合能力部分考卷引用多句潮流用語，由學生分析運用「潮語」的利弊，連日來遭考生在網上批評揶揄，指不明「潮語」所指，其中「見鬼勿O嘴，潛水怕屈機」更成為考生熱話。有資深中文科教師指出，考評局於試題用「潮語」雖然不影響考生成績，但並不恰當。
會考中文科試卷五要求考生以兩幅用上潮流用語製作的宣傳海報，分析用「潮語」的利弊。海報用上大量外來語及潮流用語，如「喪」、「閃」、「激賞」、「達人」等，其中一幅海報的一句口號用上「見鬼勿O嘴，潛水怕屈機」，有考生事後在網上揶揄考評局，運用大量潮流用語令人難以理解。有考生在網上留言表示，明白「潛水(不露面)」、「屈機(打機用語，指無力取勝而屈服)」兩詞的意思，但首度得知兩詞可共用。
考生網上發起英文科穿黑衣抗議
擔任試場主任的中文科老師容潔貞表示，會考試卷用潮流用語不太恰當，但她認為考生成績不會因此受影響，反而內容上有太多科學、文學成分，並不適合測試考生即時理解能力的聆聽卷，「我自己試做幾題都覺得難」。考評局發言人回應說，有關試題是要求考生分析潮流用語的特點，而非使用它們。有考生在網上發起下月2、3日，在應考英文科試卷時穿上黑衣抗議的行動，亦有考生留言表示擔心當日不穿黑衣，會遭其他考生冷眼。
「見鬼勿O嘴，潛水怕屈機」 考生轟會考中文出潮語。
木頭狗,
唔怪得啲人話而家啲大學生表逹能力愈來愈差了,
原來情況如此惡劣!
以前我地作文，都唔俾寫「口語化」同潮語，
當我地講粗口！#*%^*($)@
我之前去教細路，
「大佬」都唔俾我地講潮語啦，
驚啲家長以為我地教壞細路，
而家會考竟然出埋啲咁0既題目，
感覺上真係幾敗壞風化，
莫講話學生，連教師都無所適從啦！
如果潮語係合法化的話，唔該下年啲教科書改改版啦，Out晒喇！
都唔知香港啲教育水平做乜差左咁多，
連出題同審題0個個都無啲文化水平，
真係讀多幾年「卜卜ja」至出卷啦～
(等我都著返件黑色衫先...)
豆豆,
講"潮"語又未到敗壞風氣咁嘅,
不過就對正統中文有很大嘅衝突,
其實條題目係話教育局長演講,
提出對潮語正反兩面的意見,
嗰幾個潮語係畀學生參考運用的,
雖然條題目係有啲"激進",
但都唔想學生口中講得咁差嘅,
你都知香港人幾咁"蛇乖"啦,
有少少唔同以前就嘈,
有些學生又想攞著數,
諗住嘈吓又可以唔計分嘛,
所以今次都係有啲小人玩嘢所致!
我唔明咩係"潛水怕屈機"囉...
貼近潮流係好事, 但都要達到個目的, 唔係求其整幾個潮語落去就等如與時並進架...
space,
嘈乜鬼吖,
少少事就嘈,
佢哋日日都講住啲潮語啦,
叫佢哋作篇正反兩面嘅文啫,
真係攞黎嘈!
我讚成試題要貼近潮流架,
不過就要慢慢黎,
小心啲唔係就會有人借題發揮,
今次好明顯啦!
oscar,
我都同意嘅,
有一兩個潮語嘅解釋係有點問題,
但你知啦,潮語根本無統一解釋嘅,
就算佢點解釋都好啦,
總會有人嘈架啦,
啲人點解嘈?
你話嘞!
新鮮人，原來係咁！明白晒！呵呵...=P
我知道有呢d試嘴都o左嘴,囧rz
豆豆,
=)
匿名,
"潮"語不是不可出,
但想信可以處理得好一點的!
真利害 !~
tonia,
哈哈哈~~~~
發佈留言