在風雨飄搖的日子,
腦袋不想再煩惱,
所謂民以食先,
就來講個菜吧!
青瓜木耳炒牛肉:
材料: (二人份)
牛肉四両,
青瓜半條,
木耳五片,
薑片蒜頭少許.
煮法:
牛肉用豉油,豆粉,古月粉,麻油,少量水腌半小時,
青瓜洗後瀝清水份,滾刀切塊,
木耳預早幾小時浸軟洗淨,
起鑊落油把牛肉略炒至半熟留起備用,
把青瓜倒入剛炒完牛肉的油鑊中略炒,
加入薑片,蒜頭再炒,
再把木耳倒入翻炒,
加適量粗鹽調味,
再入少量水分後把鑊蓋掩上,
焗大約一分鐘後開蓋,
把牛肉從新倒入快速翻炒,
水份差不多收乾即可上碟!
17 則留言:
兩人份？ 我咪要分開兩餐嚟食！
這個餸菜唔合適單身人士減半份量炒爛鑊。
space,
男人老狗,
減三分一都食得到啦,
就算一個人食哂四襾肉都唔算多掛?
點會炒爛鑊咁誇呀?
你試下先啦,
青瓜木耳有益,
牛肉又有鐵質,
這個菜幾健康的!
最近的事越想越烦，导致做梦都是这个，哎，努力尝试着暂不去想，好转中。。
Swoo,
對啊!
想不通的就不要想了,
吃飽才是幸福!
哈哈哈~~~~
炒牛肉, 怎樣可以唔"un" 呢? 要知祕技!!
炒牛肉, 怎樣可以唔"un" 呢? 要知祕技!!
@0@ 惦喎!!!!!
imak,
個人心德,
如有錯誤,
不要見笑!
選料:
要選"淋身"的,
我不識分不同部位,
每次都是同牛肉佬話用來炒嘅,
佢就會切畀你了!
切法:
要逆紋切,
這樣才可以把牛肉韱維切散,
這樣就較易咬開,
通常會叫牛肉佬幫手切,
咁樣就唔會搞錯.
腌法:
除一般豉油,豆粉,油外,
可以加入少量水份,
這樣啲牛肉就會滑身好多,
切記不要加鹽,
否則必"鞋"口無疑.
煮法:
炒牛肉一定要:滾.快
"滾"指油要夠熱才可以落牛肉,
"快"是指要以快速翻炒牛肉,
待半熟後即立刻離鑊,
把其他材料(瓜菜類)獨立炒好時,
最後才再倒入牛肉快速翻炒,
見牛肉表面無血色即成,
立刻起碟就可以成功了!
天使,
你咪講笑啦,
你煮得好過我多多聲,
寫之前都怕你會笑我架! =p
0華 好 美 味 呀 ! Yummy !
tonia,
係你面對簡直得班門弄斧啦,
唔太難食咁囉! =p
嘩,要向您拜師學習啦!!
我這処買牛肉,通常加幣18元一個Kilo以上(e.g. sirloin, prime rib roast)肉質就会好,平價的就要用菜刀背將肉打軟(mechanically tenderizing the meat),歺館人工貴就用梳打粉(chemical tenderizer),但煮後仍会有梳打味道,不大好,又未必有益。
微豆,
你咪講笑,
不過唔想講啲煩嘢,
咪講吓煮嘢囉!
豬扒,牛扒多數都會用刀背拍鬆佢,
但炒嘅牛肉就好少,
因為切開咗都好軟了,
多數用豆粉等加水腌完都ok了,
梳打粉就無用過,
無益嘛,
不過係街就成日會食到,
所以都係自己煮最健康!
我鐘意食絲瓜 :-)
冷風,
我都喜歡食,
其實絲瓜係未青瓜呀?? =p
個樣看來好okay,我都喜歡青瓜木耳,不過唔要炒牛肉,我唔食牛肉 =)
風子,
炒豬肉,雞肉都ok架,
隨你喜歡! =p
發佈留言