唔知大家有無幫襯過超市啲"包裝瓜菜"呢?
好似啲"節瓜","南瓜","西芹","青瓜","洋蒽","雜菜"...
一件件切好哂畀你,
返屋企洗洗佢就煮得,
好鬼方便架!
貴就貴過係街市買幾成架,
不過放工人又懶喎,
唔想搞多嘢都幾好吖,
尤其係人少少食唔到咁多,
細細包一次食哂佢,
唔洗留返係雪櫃咁麻煩嘛,
貴啲都好過放工夜麻麻去街市買啦!
講開方便餸,
除咗超市有啲包裝好嘅外,
例如"蒸肉餅","甜豆炒牛肉","蒸魚"...
街市有啲豬.牛.雞扒,雞翼,牛肉絲都唔錯架,
全部腌好哂喎,又有唔同嘅味道,
黑椒,蒜頭,照燒...乜都有,
自己腌都無咁多選擇呀,
就算唔識整都無所謂,
買返屋企一落鑊就搞掂,
男女老幼都變大厨呀!
唔知係外國有無咁嘅嘢呢?
你話做香港人幾"舒服"呢!
新鮮仔:『你愈來愈似個師奶呀!』
新鮮人:『唔識好易被人揾笨架,煮餸有分男女咩?』
8 則留言:
That's a good idea. Yet, I don't cook. Can't take advantage of it.
聽聞個D方便送係因為D果菜爛爛地
超市又唔捨得掉所以就斬開一件件就變成方便送!!
ruth,
放假有心情咪煮返兩味吖!
天使,
有可能架,
所以我買之前都會驗屍咁驗架!
哈哈哈~~~~ =p
"包裝瓜菜"<--我成日都買...
因為兩個人, 包裝瓜菜分量反而合適...
放工之後, 我都係去supermarket買的, 因為街市都收啦...
我覺得那些包裝瓜菜都唔太差, 唔爛就食得啦...
pegpeg,
說得對,
切好哂,
真係好方便,
唔洗心[慢慢搞,
唔錯喎!
勁喎，原來你鍾意煮野食？
好男人喎！哈～
豆豆,
謝謝啊!
呵呵呵~~~~~
其實我是為食貓啫! =P
發佈留言