最近朋友迷上了儲惠康印花,
目的就是換領那些煮食厨具,
最少的要150個印花,
最多的就要330個印花,
如果以$10換一個印花計,
至少要$1500大元才可換到一個小得可憐的煎煱,
如果要換個大鑊就要$3300,
值唔值就見仁見智,
但超市哩招真係幾洗得,
我見好多師奶大姑都瘋狂收集印花,
亦曾經多次在超市被師奶查詢有否印花可以給她們,
相信不少人花了很多金錢在這些印花上,
而超市當然可以增加銷售額了!
事實上,
超市印花換厨具換碗碟都唔係第一次,
但次次都吸引好多人去參加,
連我自己去年都幫百佳換了個鑊返黎,
百幾二百個印花再加成百蚊才換到,
而家諗返都覺得幾儍,
其實二百蚊左右都買到個,
為什麼要花咁大氣力儲印花喎?
說穿也就是貪小便宜囉,
見到話儲印花可以唔洗錢有得數喎,
於是就係咁買,係咁儲印花,
而家諗返當時真係買咗好無謂嘢,
又或者明知係超市買會貴啲都去幫襯,
計吓計吓真係無乜著數,
所以見過鬼就怕黑,
反正咁儲法仲蝕過俾錢買,
我以後都唔會咁儍再上檔呀!!
22 則留言:
我記得細細個果陣都唔係咁多印花換野,最多都好似係30-50個就可以換哂一SET野!
而家真係(噢)哂咀,過百個印花先換到野!!
不過D師奶又落搭喎(佢地唔係算死草架咩!?)
天使,
而家乜都貴哂,
連換禮品都係,
可能啲師奶專揀星期六日先至去買嘢,
聽講可以換雙倍積分喎!
hahahaha..你估超市會做"sit"本生意咩~
依d換禮品同信用卡果d都係差唔多
除非真係自己消費咁多，唔係不如自己買好過
Yanyan,
係啦,
生意佬唔會恐錯人,
賺錢就賺到盡,
可惡呀!
我從來都沒有興趣用coupon or 儲印花, 因為覺得好煩, 我又不是甚麼大戶 (我老細有兩個仔兩個工人, 一個星期去百佳買過千元grocery), 我就無咁神心喇!
被媽薰陶, 由細開始已唔相信呢D換印花把戲, 講到底都係畀一筆錢買D自己未必需要既野. 換既野亦未必最適合自己.
正正經經去揀套廚具或餐具, 起碼可以係自己心水, 而唔係只係"呢套都靚靚地"咁任人"擺佈".
imak,
係咪大戶唔係問題,
而家儲緊印花啲人都唔係有錢佬,
最重要嘅係你唔夠師奶呀!!!
哈哈哈~~~
oscar,
都話你係理智型啦,
但係唔係人人好似你咁嘛,
啲師奶見到有著數實會飛奔埋去架,
佢哋一個個咁儲,
都唔知幾有耐性,
你唔明佢哋架喇! =p
呢啲都係商家Marketing手法之一，
我不嬲都覺得無乜著數，
何況啲野又未必係我想要0既野，
要用印花換，不如自己俾啲錢出黎買，
揀岩心水同有需要0既野好過！
豆豆,
貪小便是人的通病,
師奶們所追求的厨房用具未必是我們心頭所好,
但每個總有一兩種東西是心頭好,
只要被人商上捉住,
我們都有機會會上檔架! =p
一開始就係錯...
I never have the patience to collect enough stamps for the free gift. Given up on such activities long time ago.
7仔換公仔咪又係同一道理,仲要愈換愈貴;一開始廿蚊換一個,依家廿蚊一個印花,十個印花先換得一隻。
真的, 買嗰新的好牌子也不用花那麽多時間及錢囉...
悟槳,
錯係我們,
超市用哩招賺好多架,
佢哋就無錯了! =)
ruth,
你無耐性呀,
不過咁樣換禮品,
就是有耐性都無著數就真!
哈哈~~~
jerry,
乜而家要廿蚊先至有一個印花架?
好彩我唔鍾意而家的ok,七仔嘅禮品,
唔係可能又出血囉!
tonia,
看來超市哩招開始無用了,
連自稱"師奶"嘅tonia你都知道佢哋揾笨,
我諗佢哋又要諗啲新招了!
哈哈, 我阿媽儲緊印花喎仲..
不過佢次次儲夠, D野都換鬼哂..
pigbon.
咁要快手啲嘞,
得返一個星期喳,
手快有,手慢無呀~~~~
我很怕儲印花，因為我常忘記原先貼那張放了在哪裡。
這裡的做法是入會有張卡，每次購物掃那張卡一次，於是儲滿分就有優惠。
readandeat,
我都係,
好易唔見咗張咭.
百佳和惠康都有類會員咭嘅優惠,
不過啲嘢愈來愈貴,
啲所謂優惠都唔係好著數,
有時去士多買仲平啲!
發佈留言