和朋友談及乘搭飛機,
大家最怕的都是搭長途機,
十幾個鐘局促於一個極細小的空間,
除非你坐的是商務或頭等有錢人位置,
否則只好乖乖忍受那種坐又唔係,
訓又唔係嘅痛苦了,
加上時差問題,
坐完長途機成個人就好似喪屍咁,
混混沌沌根本不知自己在做什麼!
另外最怕遇到細路哥,
唔係走來走去就成日咸,
你又唔話得佢喎,
成機滿哂又無得走位,
搞到成晚想訓吓都唔得,
真係慘過坐監呀!
記得沙士嗰排時常要去上海做嘢,
有次搭飛機落返黎時遇到個女人,
其實成機都係得四五個人,
我本來坐係佢後三排側邊,
點知我都未坐低佢就遠遠咁同我講:
『架機好多位喎,你可以再坐遠啲喎!』
真係畀佢吹脹,
我己經距離佢三排啦,
又無咳又帶埋口罩,
佢洗唔洗咁驚呀?
心諗咁驚不如包機囉,
到時咪一個人坐哂成架機囉!!
不過而家諗返,
嗰時啲人個個杯弓蛇影,
少少事就驚到鼻哥隆無肉,
有人行埋啲都當人發瘋咁,
根本無哂理智同判斷能力!
9 則留言:
0個啲人有病...
During SARS, we went to U.S. On our way back, there were only 4 people in the economy class of a 747. My husband asked me to wear a mask. I said people said wear a mask when in crowded places. Here it's definitely NOT crowded.
When people panic, they often become irrational !!!
ruth,
那時是非常時期,
人人自危,
所以會緊張啲!
微豆,
人就是這樣,
一緊張就無哂理智了!
坐飛機真係好悶，長時間就更加辛苦，
聽講有試過坐飛機既時候電影居然播
空難片，呢單野就真係命題^^
coobe,
哈哈哈~~~
好搞嘢喎,
唔嚇親都難囉,
都唔知揀片嗰個係未玩嘢呀!! =p
長途飛機令人想死, 坐唔係, 企唔係, 訓唔倒, 睇戲又悶....... 好慘!
imak,
所以有愛又恨囉! =p
發佈留言