聽收音機有專家話,
女人每六十秒就有一次購買慾,
男人每五分鐘就有一次綺念產生,
這樣是否代表女人好買,
男人則好淫呢?
十個男人九個九係咸濕,
唔咸濕,人類又點可以繁殖下去呢?
其實這是男人咸濕嘅借口而已,
君子用眼不動手,
點到即止還是可以接受吧?
行注目禮有時是對女性嘅讚美,
哈哈哈!!!
但係點解女人又咁喜歡買嘢呢?
到而家我諗極都諗唔明,
女人唔單止喜歡行街睇嘢,
仲喜歡睇完就買添,
愈買愈起勁,
愈買愈開心,
男人就愈睇愈心驚!
女人話買嘢可以減壓,
買嘢 = 減壓??
月尾見到張信用咭月結單唔慌唔壓力大囉!
有無人可以解釋畀我聽點解會劃上等號架??
30 則留言:
女性很需要安全感
除了需要口頭承諾
明知是謊言都接受
而另一方法去體驗
這份承諾就是購物
擁有物質擁有財富
而這是由她的男人
無私的不停地供應
追求安全感的壓力
就可略為舒緩減低
可惜安全感不長久
是要不停地重覆地
去驗證驗證再驗證
去購物購物再購物
去減壓減壓再減壓
聽聞是因為原始社會的女性是負責到四周採集野果，男性負責打獵，因此這種採集的特性便遺傳下來。不同的是地點由野外變成各大小商舖了，哈哈哈~~
依家的社會，
男男女女都鍾意買野，一樣會諗咸野吧。
Agree with YanYan, I think there are many guys who buy more stuffs than I do lah~
有無咁誇呀?60秒一次購買欲？
男人分分鐘有性欲就唔出奇！
不過我都唔係好明，咁辛苦搵錢，
咁輕易洗左去，咁咪又要捱耐啲世界？
又儲錢唔到錢，惡性循環，咁不如慳家啲...
That's y i think, the best reason for that is:
This world is full of temptation!
Pressure is only an excuse for irrationality.
space,
又好似幾合理喎,
不過有啲女人係用自己錢買咗喎,
唔知係未有同樣功能呢?
翔,
你都有聽個節目呢?
但係而家啲社會同以前唔同哂,
各人嘅責任和功能都唔一樣,
係未仲係這個原因架??
yanyan,
女人都好咸濕咩??
真唔真架??
tofufa,
但係你同唔同意女人都好咸濕呢?
豆豆,
係囉,
你係女人都唔覺買嘢可以減壓咩?
到處都引誘,
點解女人嘅購買慾特別強呢?
男人睇野同女人買野一樣, 我想都是精神寄託吧! just like 有人好賭馬, 有人好做gym..... 都是同一個平衡心理的吧!
Imak,
但係點解女人普遍會用買嘢來減壓呢?
又唔知好多女人用做運動來減壓??
有就唔係有,不過少啲,
但係起碼唔會月尾見到月結單咁頭痛嘛! =P
新鮮人，可能我真係一個男人？哈哈哈！
買野0個下係可以減壓，癲左咁乜都唔理，
想點就點，買咩就買咩，係可以放肆下，
但買完之後睇返個銀包就好鬼後悔，
仲好內疚不安，好似對自己唔住咁，
咁我寧願唔好俾佢開始好過喇！
其實，同朋友食飯唱K吹下水，
都一樣可以減壓！
唔洗一定要通過Shopping至減到！
至於女人點解鍾意買野減壓，
我有時懷疑係一種大氣氣候問題，
人人都話買野可以減壓，
電影又做埋晒啲咩「天生購物狂」、Sex and the City，
啲同事又成日入新貨，返到公司狂Show Off，
慢慢大家就好似洗左腦咁，
覺得買野真係可以減壓，
但忽視左事後要補獲0既問題。
其實男人都鍾意買野格，
男人鍾意買電話，買相機，買車，買音響，
買電視，買PSP、PS3，買漫畫...
但如果件野可以令人減壓，
我覺得無問題喎，
但如果話買野係因為「買」呢一下行動，
而可以減壓，
咁我就唔覺得可以減壓囉！
That's y 我覺得呢種係只係一種唔理智0既行為（洗腦行為），
同埋係女人俾自己「減壓」的籍口。
我自己就唔buy呢套，同埋我覺得好鬼笨，
所以我可能真係一個男人，哈哈！
豆豆,
咁我就當你係男人嘞!
男人買嘢都係睇心頭好,
一般情況下貴精不貴多,
(有些)女人就見到就買,
好似控制唔到咁,
好恐怖呀~~~~~ =____=!!!
space,又好似幾合理喎,
不過有啲女人係用自己錢買咗喎,
唔知係未有同樣功能呢?
點去界定啲錢個來源呢？
用乜嘢方法可以分辯呢？
space,
咁你要問吓風子, 小豬啦!!
哈哈哈~~~~~
問佢地乜嘢？
space,
"啲錢嗰來源"嘛!!!
你自己寫都唔記得呀??
噢~~~ 老人痴呆症!!??
>>點去界定啲錢個來源呢？
一般都唔難分固喎，邊個賺嘅咪邊個囉，唔通我返工出糧啲錢係你嘅? 嗱，我知跟住就會有人話，現實裡面好多時啲老公甚至男朋友啲糧真係要上繳固喎。係吖，咁我哋而家係講緊錢嘅來源，唔係錢嘅控制權嘛。
有一種情況就難界定嘞，例如兩公婆一齊打理一盤生意，咁賺返黎啲錢點計呢?計出左幾多力就真係好難量度嘅，冇嘢時候就冇嘢囉，有嘢果陣都有排拗架。
要比較梗係要講普遍性啦，撇開有好多男人都會唔理性買嘢、好多女人都一樣滿腦子咸濕嘢，普遍黎講，的確係女人鍾意買嘢多啲、男人真係咸濕啲嘅。
我就從來都唔買嘢減壓嘅，同自己荷包鬥氣即係整蠱自己！呢啲係價值觀嘅問題。有人會用駛錢黎作為揾錢嘅動力，都無可厚非架。
小豬,
謝謝你留言呀!
我好緊張呀~~~~~
等緊space叔叔嘅留言嘛,
睇吓佢點樣講囉!! =p
ps:我都知有啲女人好咸濕,
好彩無遇過喳,
唔係實嚇死新鮮仔囉! =p
若要格硬把來源同控制權分開，就試想兩人分別賺到錢即是來源，男方包了全付了女方的住屋食物交通洗費，女方一文錢都不用付出，咁女方啲錢嘅來源，就不是單純是自己賺返來了。女方剩返啲錢是包含了，男方無私的不停地供應，用呢啲來買東西購物，是否純屬女方的錢呢？表面上是，但實則卻不是。兩個人一旦一起生活，就好難界定啲錢的來源了！
就算女方小姑獨處未有同居，一旦接受了男方付賬，少給了的洗費，剩返落嚟啲錢，雖然不是直接來自男方，但間接是來自男方的，用你啲錢去購物，也不是單純自己賺回來的，就好難界定啲錢的來源了！
拍拖同居，要樣樣都 on Dutch， AA制，得唔得呢？ 唔喺無得嘅，都可以嘅！ 要樣樣計清楚喇！但係咁就不能滿足女方與生俱來的缺乏的安全感了，女方用了男方的錢，是要體驗男方給予的安全感，不是祇是口頭承諾，是實則的給予，是無私的不停供應。
小朱姐畀新鮮兄格硬拉埋落水，都是風子精明啲，不踩入這潭水！
女人每六十秒就有一次購買慾 - 緊係唔會啦, 如果唔係破產好耐囉! :)
我是男人
但買野狼過女人
我是色情購物狂
space,
願者上釣,
男人願意嘅,
都無得計啦!
小豬都係講出自己嘅睇法,
不是我夾硬拖佢落水喎!
mad dog,
這是某"專家"提出的,
佢哋或者做過某些硏究,
但當然不可以一概而論,
不是個個女人都係這樣!
每六十秒都有購買慾就唔代表每六十秒就買一次東西嘅,
就好似話男人每五分鐘就有一次綺念,
又無理由話男人要五分鐘就做一次愛,
其實都係攞黎聊聊風花雪月,
大家討論開心吓,
唔係一定有定論!
謝謝你留言! =)
嬲記,
恭喜你,
你享受到男女相方嘅興趣了,
唔係人人可以架!
We need to make a distinction btwn "nature" vs "nurtured". I would think that for BOTH men and women, sex is a basic instinct (no reference to Stone), while shopping is not. The reason why there is a gender difference could be attributed in part to gender inequality and social conditioning. For example (with all respect to Inner Space): "女性很需要安全感" is not a universal truth and "而這是由她的男人, 無私的不停地供應" is an indication of the economic disadvantages of women in a society. Both have little to do with the nature of women, but rather how they are being nurtured and treated by family, friends, mass media, and society in general. As pointed out quite rightly by Xiao Zhu, a lot of our behaviours are driven by our values 價值覌。The foregoing argument applies similarly to men as well.
Not only I don't have the crave for buying, quite the contrary, I always try to find something attractive enough that I will buy.
Maybe because I am not rich enough and those really expensive jewelery never appeal to me. For other things such as clothes and shoes, I actually want to see more I really like and want to buy as I am quite particular in what I like. Also, my place is small and I don't want too many stuffs in my place. I rather have fewer things and more space.
ruth,
你是一個貴精不貴多的人,
真正覺得好的你才會買,
但係部份女性就剛剛相反,
她們視買咗係一種發洩,
愈唔開心愈想買,
所以買到成間屋都係"垃圾"了!
發佈留言