圖片來源:【明報】及【蘋果日報】
政府部門一向有互相推御責任嘅陃習,
不過估唔到係連對自己友都係咁,
你睇吓上面個投訴進程表吖,
個個部門都係傳來傳去唔啋你,
1823投訢熱線面對那班"冗員"尚且如此,
難為我們做小市民有投訴唔畀人當波咁踢至出奇呀!
我想講,
要有一個有效率嘅政府,
不是請一大班什麼副局長返黎就得,
最重要係權責要分明,監管要落力,
政府架構已經係架床叠屋了,
曾生你死雞撐飯蓋都無用架,
唔該你睇吓你班"口靚"點做嘢先啦,
其實幾十年都無乜改善,
你由"寂寞的推銷員"做起嘅,
無理由唔知啲公務員風氣架?
唔該你學吓點對症下藥先啦,
咪再死撐嘥哂我哋啲錢呀!!
延伸閱讀:
【明報】扭緊路牌螺絲,花33天解決.
【蘋果日報】1823熱線轉介投訴,被轟跟進不力.
6 則留言:
其實政府就等於一間大型公司, staffs 又多, departments 又多, 一個推一個是很常見的現象, process也會很慢, 因為要經過好多人手. 煲呔做左公務員咁耐, 佢比誰都更清楚在這裡要點樣運作, 不是單像古時派個欽差大臣落區就攪掂. 再加上仲要配合阿爺指令, 他呢份工其實真係唔易打. anyway, change 都係要時間, 又睇下佢呢班副局長有咩表現啦!
Imak,
睇咗老曾咁耐,
佢係一個剛愎自用的人,
又死牛一邊頸,
亦都唔覺佢會有乜大改進!
改變係需要時間,
但問題係入面根本無人諗過要改喎,
(我指官僚作風)
係老曾領導下,
這個問題唔會有大改變,
風水佬呃你十年八年,
哩樣嘢二年見效!
The Sound of Silence: 政府借咗聾耳陳隻耳,無聽到市民心声乎?
微豆,
哈哈哈~~~
我又無咁嘅意思喎,
不過政府一向都係"聾"嘅,
只不過曾生更加"聾"多兩錢重啫!
而家個政府乜都唔識做，做又慢到死，剩係識得好大喜功，掩耳盜鈴，我都唔知佢地搞乜！
豆豆,
淨係識認叻囉,
有好嘢就走出黎認屎認屁,
有事就走得最快!
發佈留言