買東西!

以下全是真人真事改編:

(一) 口水雞:
『埋黎睇埋黎揀,口水雞三十蚊半隻!』

『媽咪,乜嘢係口水雞呀?』
『你估吓呢?』
『唔係用口水"懶"過嘛??』
『梗係唔係啦, 你見唔見賣口水雞個女人呀?』
『啊~ 我知啦,佢啲口水噴哂落隻雞度呀!』

『師奶! 教仔唔該返屋企! 咁多口水!』

(二) 買米的政治立場:
『阿叔! 你開粥舖架?』
『唔係呀! 點解咁問?』
『你買成六七包米,點食呀?』
『哩隻米好好食,唔係成日有得賣架!』
『喔~~中國米喎,仲係五豐行出噃!』

『頭先你同個阿叔講乜嘢呀?』
『個阿叔話哩隻米好好食喎!』
『睇過,隻米好似好"削"咁嘅?』
『係咩?』
『個阿叔可能係"左仔"喎!』
『咁都得?』

(三) 買西瓜:
『嘩~~~啲西瓜好平呀!』
『睇過!廿幾蚊有成個喎!』
『咁不如買一個囉?』
『嗰邊咪有半個賣十二蚊囉!』
『你又話廿幾蚊一個好抵嘅?』
『成個好重你攞唔攞吖?』
『咁不如買盒西瓜汁算囉!』