正唔死無用嘅人渣!

昨日聽到一單極度賤格嘅新聞,
真係忍無可忍,不吐不快,
仲要咀咒個匪徒不得好死!

話說有個85歲嘅阿婆行山,
遇到個劫匪打劫,
嗰個扑街打劫就算啦,
但係唔知佢痴咗邊條筋,
竟然連個80幾歲嘅阿婆都唔放過,
見到阿婆都起色心仲想強姦佢,
真係唔死都無用,
捉到佢一定要閹完再閹,
然後鞭佢百幾二百籐再坐監至啱,
簡直豬狗不如,毫無人性,
係人渣,老虎屎!

大家諗吓,
一個85歲嘅阿婆對性一定好傳統,
而且亦唔會諗到自己咁老都會遇到咁嘅賤人,
咁嘅年紀仲要畀人咁遭質,
對佢心靈啲創傷是何其大,
事後一定要派人多加開解照顧,
否則隨時會做儍事呀!
講返嗰個扑街劫匪,
性起咪去叫雞囉,
一百幾十都無咩?
再衰格都唔應該搞阿婆,
阿婆都成80幾90歲人,
佢咁做係咪想攞人條命呀?
正牌"扑街合家產",
畀我見到佢實打到佢爆缸!

延伸閱讀:
八旬婦抗淫賊保貞操