無感覺的大髀!

天熱咁鬼熱,
忽然諗起上個星期單新聞,
話說有個十三四歲嘅女仔買個雪糕蛋糕賀人生日,
個雪糕店姐姐見天時暑熱怕個蛋糕溶,
於是就放咗啲乾冰入去個盒度,
但係就唔知有無提醒個妹妹仔要小心,
個妹妹仔於是坐十幾分鐘地鐵去同學度,
點知佢全程都將個有乾冰嘅盒放係大髀上面,
佢又好似無感覺咁喎(唔通有超人意志力?),
到佢起身走先至發覺隔住褲對大脾又紅又腫,
佢又可以等到第日先至去睇醫生喎,
結果發現部份大髀皮膚嚴重凍傷!

我又想問吓嘞:

乾冰是不可以直接接觸的,此乃基本常識,難道現在的小朋友知識咁貧乏嗎?

可以忍受有乾冰的雪糕盒放在大腿上十多分鐘,這個妹妹仔是否有"超能力"?

雪糕店的職員是否有特別提醒客人乾冰的危險性呢? 要知道這個世界好多人無common sence的!

尤記得多年前美國麥記被人告,
告佢啲熱咖啡無字樣提醒會燙傷客人,
結果就係有人咁樣"屈"咗麥記一筆.
而家同樣嘅事情發生係香港了,
我勸啲雪糕店老闆都係小心啲,
唔係俾人"屈"咗都唔知乜嘢事呀?