圖片:TVB.COM
我認我係俗氣，
我有睇【家好月圓】,
套戲係吵吵鬧鬧,
幾個女人鬥生鬥死,
殷紅(米雪)陰險毒辣,
莎莎(關菊英)貪錢殘雞兼自私,
甘泰祖(夏雨)庸碌無能又花心,
故事內容全程靠向師奶口味,
日日惡鬥,場場激烈,
將人性醜惡無限擴大,
極盡誇張之能事,
但不少香港人就是喜歡這樣,
不需要理會合不合理,
只要回家有一套讓情緒發洩的肥皂劇就可以了,
昨晚"多咀雞"莎莎害人終害己,
被老父用地拖趕出家門,
又被貪錢老公(阮兆祥)拋棄,
連個親生女都唔要佢,
無人無物無錢無人理,
仲要"扒街"跌落海,
看得我心中叫好,
還脫口爆了句"抵X佢死"!
26 則留言:
放心, 今晚佢就會先返屋企, 再去警局的了.
係話比大家知,
你做得衰人耐, 要人信你已做返好人.
一尐都唔易...
悟樂,
唔明,
點解又返屋企又去差館呢?
(今晚睇吓就知囉) =p
雖則浮誇煽情，但都看得很痛快~ :p
我連上集都冇睇，
遑論下集唔使睇。
可以算喺絕緣體！
呢套劇我都有追緊，之前都真係睇
到好炆，不過追開又有條癮，而家
睇到莎莎咁都好心涼
我等緊睇徐子珊點死~
翔,
哈哈哈~~~
我們的感覺和口味類同喎!
space,
我都估到唔啱你口味啦,
要你睇,你不如去睇唐詩未詞好過吧!
我係俗人,所以就睇埋哩啲肥皂劇囉! =p
coobe,
哈哈哈~~~
所以我噚晚都好心涼,
抵佢死呀!
哈哈哈~~~
冬冬,
徐子珊攻於心計,
陰濕過佢老母好多,
殺傷力一定仲大,
應該好難對付呀!
小心,小心! =p
新鮮兄：
喺呀! 為了耳根清凈，我選擇獨居，
何苦？再開著個電視，損害寧靜呢？
不過你副相片有 司棋姐 和 周聰叔，
你冇介紹噃！
space,
哈哈哈~~~~
你想知就去睇吓囉,
其他人都知道佢哋係什麼角色,
所以費事講囉!
Never watched it. But guess it's boring. At least, not my taste.
ruth,
哈哈哈~~~
係就係婆媽,吵鬧啲,
但亦反映了人性的一部份,
同辨公室政治相近,
不過其中亦有人性關懷的一面,
人人口味唔同,
唔喜歡就係唔喜歡了!
唔使親自睇
去蛇竇開會時
留意一吓啲師奶話題
相信已經可以略知一二！
space,
係架,
睇就多啲話題囉,
不過你唔喜歡就唔好迫自己,
咁樣唔開心!
哈哈哈
我在蛇竇聽到了
司祺姐演河馬（荷媽）
不改一直做好人，唔做奸人！
space,
搞乜鬼又玩文字遊戲呀??
恕我無法接受呢種「娛樂」
留完言，閃！
伊麵丹,
我知你鍾意短裙囡囡多啲嘛,
係咪?
哈哈哈~~~
新鮮兄早晨:
《家好月圓》這裡還未有得睇。不過我看了溏心…我幾喜歡《常在心》這個名字…現在真是沒有常在心的日子 ><"
冷風
冷風,
"常在心"在【家好月圓】裏叫"于素秋",
七個年輕子女各自名為"家,好,月,圓,慶, 中,秋",
也有另一番意思! =)
呢套戲真係唔岩我，
雖然我間唔中都有睇下，
但套野做到《真情》咁，
又嘈又長氣又婆媽又娘，
唔岩我胃口...
豆豆,
咁就可見你係後生女,
仲未係師奶界別囉!
哈哈哈哈~~~~~ =p
家家都提早吃飯
好快快執掂個攤
月來都喺等咁晚
圓夢捉賊兼拿奸
大家暫都唔得閒
結果不需要簡單
局著凈咗一整晚
了事就返嚟暢談
space,
幾好喎,
咁你畀你作到,
好詩! =)
家家有電視,
好嘢齊齊睇,
月圓無事做,
圓月睇電視,
大家排排坐,
結局齊齊追,
局勢好緊張,
了結心頭願!
發佈留言