哩幾個星期個天真係灰到爆，
我諗同一般有玩股票嘅香港人一樣，
唔知幾時至見到"明天"了!
講開空氣質數，
昨天天文台公佈嘅空氣數字係:
一般監測站: 70-100左右，
市區監測站:100-150左右，
即係話空氣差到不得了，
其實唔洗睇天氣報告都知啦，
抬高頭一睇就見灰暗暗一大遍，
有時係人多車多嘅路口直情覺得自己"生白內障"呀，
眼前灰色矇朧一片，
初初仲以為自己個眼鏡污糟添，
點知抺完都係灰灰暗暗咁，
而且又覺得呼吸困難喎，
空氣質數直情差到極點，
無事都係唔好留係街咁耐，
唔係隨時暈都唔出奇呀!
根據環保署邱籐華講，
而家政府用緊嘅空氣測量指票係廿幾年前訂立嘅，
相信己經十分之落後於國際標準喎，
但係佢又話如果改用新指標後，
所有發電廠嘅系統可能又要更改，
咁積係點呀?
又要加電費呀?
乜控制污氣排放唔係要賺錢嗰個負責咩?
邊有要市民出錢畀商人做生意兼賺自己錢嘅理由架?
ps:
今朝八點幾鐘都唔係好熱，
我見到有架警車停係街邊勁開冷氣，
啲死氣係咁噴哂係街，
入便嗰幾個差人就係度瞓，
又話停電熄匙嘅，
點解政府公務員都唔以身作則呢?
12 則留言:
近年一到打風時候就空氣污濁, 雖然今次個風只係打去台灣同日本, 香港天氣一樣遭殃.
講起上次"鸚鵡"落波後, 維港能見度好左好多. 我初初仲以為自己對con乾淨左...
oscar,
落雨打風完啲天氣真係好好多,
不過唔通次次要打風?
唉~~政府真係要正視吓,
揸車嘅係都要守本份,
停車熄匙,
唔好只顧自己!
天色好有末日feel
翔,
咁又唔好咁講,
大吉利是,
人人做好環保本份就是!
哈哈哈~~~
我家下望出維港, 白茫茫的....
我都覺得自己生白內障咁呀!!!!
香港仲有得救？
折晒啲高樓大廈同冷氣，
可能會有啲希望0既～
PIGBON,
你見到海景算好了,
遲啲可能乜都睇唔到呀! =(
豆豆,
咁又唔好灰心,
只要人人盡力就可以好了,
有心唔怕遲嘛!
依幾日返工都行得好辛苦...
都唔知政府係唔係真係有心想攪好尐空氣的
悟樂,
政府係無乜長遠計劃囉,
見步行步咁,
加上要內地合作,
一個地方政府好難完全做哂,
而市民亦要通力合作,
就連停車熄匙都無做人,
啲空氣咪咁差囉!
記得以前有「掩耳盜鈐」這個故事。
如此說來,政府不改指標,發电廠就沒有犯例,可繼續「合法」染污空氣?
微豆,
說得對,
政府在自欺欺人,
對事件毫無幫助之餘,
只會使問題加劇,
所以這個政府真差勁!
發佈留言