我從來都未試過穿浴袍，
印象中只記得粵語殘片的咸濕伯父才會穿的，
那些有錢老板專門叫啲女秘書送文件返屋企嗰啲呢，
就係一個月黑風高,狂風大雨嘅晚上，
個咸濕老闆淨係著住件浴袍係洗手間走出黎，
淫口笑笑咁盯住個著住貼身旗袍靚女秘書，
雙手各揸一杯"拔蘭地"搖吓搖吓，
順口就要個女秘女坐低飲返杯，
個女秘書為咗保住份工唯有免為其難，
飲咗兩啖就面紅紅頭暈暈，
就係這個令人擔心嘅時候，
個咸濕老闆嘴角慢慢露出淫賤嘅笑容，
跟住忽然間打開件浴袍露出賤肉橫生嘅身軀，
然後就餓虎擒羊咁撲埋去個靚女秘書度,
可憐個女秘書酒醉未醒，
無力抵抗之下就被人糟蹋咗了，
鏡頭一轉，
在幽怨的小提琴音樂中，
窗外雷雨交加，
一朵鮮花在地上被踐踏得不成樣子!
以上只是說說笑而已,
當然不是凡穿浴袍的就是咸濕佬，
我很少會買這樣東西穿的，
總是覺得浴袍"咸咸臭臭"一陣味咁，
清洗又麻煩喎，
冲完涼，
我通常著條波褲就算，
左搭右搭好唔舒服，
簡簡單單我最喜歡!
27 則留言:
=_________________=" 搞乜鬼？
新伯,你d劇情土就土左d,out又out左少少，勝在都好貼近呀譚炳文年代,應該重有捧場客既，有無d update d架?
新世紀另一version,例如個秘書不緩不急地拿出袋中的３D電話，扮電話響加直時信息傳送，加句話老細叫你送文件上佢屋企,老細屋企靚兼有taste,實要老土姐妹見識下,跟住咪扮天真加傻攞住個３D電話轉一圈囉,咁姐妹睇到幾多咪唱幾多囉,哈哈哈...
風子,
新時代梗係會有新版本,
但係我講緊粵語殘片條橋嘛,
哈哈哈~~~~~
女仕著浴袍又點睇？
我覺得男人著浴袍，係有啲肉酸同猥瑣，
女仕著浴袍就唔同喇，好好睇...
不過，其實著浴袍，真係好舒服～～
豆豆,
女仔又唔同喎,
女仔穿浴袍就幾性感喎, =p
不過最好穿絲質嘅,
輕輕薄薄令體態若隱若現嗰種呢,
但係要穿就要對自己身形好大信心先得呀! =)
我 like ga! 因為冬天沖完涼好凍ga ma, 行出黎著浴袍暖好多喎!
Imak,
咁有無人咸咸濕濕咁望住你呀?
哈哈哈~~~~ =p
浴袍毛巾質地的沖完涼不用先用大浴巾抹乾才
走出浴室印印對腳撇上毛巾浴袍就可走出來了
我認我孤寒我貪心我公幹住酒店一定必定不會
忘記攞走酒店供應的較新凈的毛巾浴袍依家仲
有四件儲在家其中兩件較新的包裹好未用過哩
梁巔巔 寫的：高潮快慰之浴袍
嗬嗬嗬！ 上面的是我！
Bath robes 浴袍 are fairly common here. They are used to keep the human body warm after a bath, especially in the winter time. Of course, as you said, those from Victoria Secret also serve to "... set the night on fire ..." if you are the romantic type ;-)
「一樹梨花壓海棠」句
出自宋代 蘇東波
十八新娘八十郎，
蒼蒼白髮對紅妝；
鴛鴦被裡成雙夜，
一樹梨花壓海棠！
香港地都無乜機會著浴袍，除非
買黎係屋企訓覺著，不過又好似
幾無聊！
space,
我之前己經看過你在那篇的留言了,
你是個"貪心鬼" =p,
人家酒店嘅你都攞,
都唔知乾唔乾淨呀,
就算返黎洗過都唔舒服,
之前有乜人著過都唔知,
住酒店我從來都唔會用架!
果然有文彩,
隨口就可以講到出處! =)
微豆,
言下之意,
你覺得著浴袍是性感喎,
不過應該幾方便,
一拉就可以除哂,
哈哈哈~~~ =p
coobe,
好似外國人喜歡啲,
香港人可能較少著,
不過或者係一點情趣,
同情人一人一套都幾搞笑! =)
新鮮兄 嗬嗬嗬！
你一定是去旅行入住酒店，
都自己帶埋面巾浴巾去用，
重要隔夜在酒店房間內面，
用繩子扯起毛巾大旗風乾，
方便第二朝早離開時帶走。
SPACE,
毛巾就無帶,
輕輕一抹就算,
但不會用酒店的浴袍。
不過就算用,
都唔會帶返屋企!
炎夏到日本深山裡的秘湯奧溫泉鄉
經一天遊覽後沖乾凈涼坐落個溫泉
水溫焗到額頭出汗之後從溫泉出來
穿上日式麻質yukata浴袍纏上腰帶
腳上穿上日本人的人字木屐或拖鞋
跑到山邊湖邊若有清風吹來涼快感
或是拿著扇子扇涼等候入黑放煙花
之後返回溫泉旅館大快朵兒山之幸
人生還有幾多愁就讓風暫時吹遠方
space,
我未試過日本温泉,
係大鄉里唔識嘢! =p
浸溫泉無線電視的日本旅遊及美食節目，
出現過無數次新鮮兄睇過罷應略知一二！
space,
睇又點同親身試,
完全唔同喎!
Very funny.
剛剛沖完涼
穿上浴袍後
再照照鏡子 ～ 不像！
要留返啲鹹濕鬚
換返個古董眼鏡
加返五十磅重量
至look like
新鮮兄所describe 的
鹹濕伯父老闆！
Ruth,
講吓風花雪月,
大家開心吓! =p
space,
我諗到你著住浴袍係鏡前面左照友照個樣就想笑了!
哈哈哈~~~
我件浴袍是純白色的，
純潔啲！
不像你相片中雜色的，
鹹濕啲！
space,
ok, ok!
白色是純潔的!
哈哈哈~~~~ =p
發佈留言