"開口挾着脷"的人!

有一種人是很難和他/她談得來的,
就是那種樣樣唱反調的人!

『這間餐廰啲食物幾好食喎!』
『邊度係，我試過邊間仲好味啦!』
其實她根本還没有把這間餐廳的食物放進口!

『乜乜女星都幾上鏡喎!』
『邊度上鏡呀?我覺得而家無個女星見得人!』
其實她可能覺得自己最上鏡就真!

『嗰家人真係慘囉，老公死咗，得返孤兒寡婦!』
『我唔覺得佢哋淒涼喎!大把人慘過佢哋啦!』
佢可能想見到全世界人人都死老公先至開心咁!

『你今日著得好靚喎!』
『乜我淨係今日靚喳?我平日好醜樣咩?』
本來好好一句讚美的說話，到頭來卻被她潑了一盆冷水!

總之每次同這些人說話都唔會有"好收場"，
唔係潑你冷水就係同你唱反調，
不論你講什麼、有没有道理都好，
他/她們總是要說相反的論調，
但是他/她們之後說的又不是什麼偉論喎，
所以他/她們會令人感到極之討厭，
結果就是不想同這些人說話，
這就是最好的解脫，
免得自己心煩，
就讓他/她們自己說過夠吧!