生果金終於加到一千元了，
而且暫時亦没有任何審查基制，
不過聽老曾噚日講什麼:
"感性嘅市民情緒徹底打低理性嘅問題討論!"
佢話放棄爭議是為了團結一致面對金融海嘯喎，
係咁諗嘅就唔該唔好臨尾都拋句什麼"感性理性"啦，
好似啲細路鬧交鬧輸咗咁，
臨尾死都要駁返句:"我無錯，你好叻咩?"
都決定咗要加嘞，
想家和萬事興嘅就唔會講咁多啦，
講咁多毫無大將之風，可謂小家之極!
至於生果金是否要加到一千元?
又是否應該加入審查制度?
我唔會說政府嘅擔憂完全錯哂，
人口老化，量入為出無可厚非，
但除了看住啲"數字"做人外，
是否亦應該了解實際上老人家嘅需要呢?
至於生果金是"敬老"定係"緩老"的討論也很無謂，
現實係好多老人家生活捉襟見肘，
你要佢哋走去攞眾緩佢哋又覺得無尊嚴，
佢哋都係諗住攞返一千幾百幫補吓，
政府又何必再搞到啲政策咁擾民呢?
曾生你要面子死雞撐飯蓋嘅，
難道你又唔可以給老人家留點面子嗎?
仲有一點就係審查資產嘅行政費，
唔知點解政府啲行政費梗係高過人，
到時慳返啲雞碎咁多生果金，
但係又年年花用龐大嘅行政費，
你話係咪攞黎搞先?
14 則留言:
d政黨同政府, 把敬老和助老混為一談,
今早和心空媽吃早餐時,佢老人家很勞氣,
佢話要送梳蕉給癲狗,叫佢食蕉!
連佢最有好感的公文袋余大狀都罵埋,
心空媽反對派錢收買民心,派錢收買選票.
政府就係鐘意咁做.
冇事攪尐事出來.
唔攪多少少行政手續出來.
審計署就會話o個尐政府部門太得閒,
要精簡嫁了~~~~
space,
意見不同,
無奈再論了!
悟樂,
我覺得愈搞愈亂,
我又唔知審計署會咁做喎!
「生果金」是不是Old Age Pension?
微豆,
又唔可以咁講,
係一種畀老人家(65以上)的錢,
有敬老的意思,
但因為大部份老人家生活都很窮,
佢哋又唔想攞眾援(中國人覺得好似乞丐),
所以好多都係用這些生果金來幫補生活的!
新鮮人:
"... 有敬老的意思 ..." That's good !!
I believe the Canadian equivalent is called the Old Age Security (OAS) pension which eligible senior citizens may receive after age 65.
微豆,
不過早前政府係都要話做資產審查才可以加生果金到一千港元,
啲老人家覺得好有唔尊重佢哋呀!
微豆,
其實而家65-69歲啲都要做架,
70歲以上先唔洗查,
給人嘅意思好似70歲咁老都唔攞得好耐,
所以唔查佢哋囉,
根本就無哂敬老嘅精神了!
心空媽今日再問, 有通漲就話加生金到一千元,
甘到好似 sars 時有通縮,
癲狗系唔系, 拍心口講惦班老人家, 下調生金到五百元先.
我唔識點答佢, 有空打去電台風凐節目, 問一問!
SPACE,
咁你諗吓嘞,
老人家無人無物嘅,
得幾萬蚊積蓄,
攞一千幾百夠唔夠活先?
有人腰錢萬貫,
有人家窮四壁,
唔係人人有個孝順仔養嘅!
新鮮兄:
e+ 講既系可加可減機制,
唔系討論有冇個孝順仔養!
兩者 mutually exclusive.
SPACE,
咁你留言係錯誤地方了,
這篇不是講"可減可加"這個問題!,
而是老人家為嗰一千蚊慘受政府欺凌!
冇錯冇錯!
e+ 加到一千個理據是因為通漲,
既然工屋租金以入息中位數計算,可加可減,
電費也和通貨指數掛鉤, 可加可減,
交通工具收費也是可加可減,
癲狗個班政棍, 應該承諾, 可加可減機制對生果金一樣有效, 至能服眾!
發佈留言