台灣壹週刋又被人話衰咸濕，
好奇的我自然會上網睇過究竟，
入到去台灣壹週刋首頁就覺得一陣"海水味"，
首先是林志玲和田中千繪的超低胸照搶眼去了，
下面還有幾個珠圓肉潤的女郎半露橫陳床上，
(圖片暴露，不便轉載，讓男仕失望了,
有興趣者可自行上網搜尋，但係你要18+喎!哈哈哈~)
再看看各行專欄標題總有一兩個與性有關的題目，
例子如下:
"J女郎太超過 微風雙姝脫出頭 "，
"家人反對 Liz偷勾貼布小開 "，
"滋陰茶飲 增女生性慾"，
"原住民小姐 惜肉如金"，
"吃了再戰 薇閣精品旅館",
"色情新寵 互動攝影活春宮直擊"，
而且圖文並茂十分搶眼，
這本根本就係半咸不淡的咸週刋，
其實佢擺明車馬做咸書就問題唔大，
因為target customers係麻甩佬和麻甩婆嘛，
好衰唔衰佢又要走大眾化路線喎，
所以而家咪被人剷到飛起囉!
台灣嗰邊嘈到拆天，
香港哩邊又點會無人出黎嘈呢?
啲什麼道徳學究、婦女大使、宗教大人......
一蝸風咁衝哂出黎鬧政府點解對網上資訊毫無監管，
任由這些不良圖文毒害青少年喎。
我記得幾個月前政府咪話要對互聯網資訊監管作出資詢嘅，
嗰時咪有好多人係度呱呱嘈鬧政府拑制言論自由，
仲話政府發放白色恐佈咩?
但係到咗而家啲人又倒轉黎講，
發狂咁鬧政府唔做嘢喎，
究竟啲人想點架?
定係早前班同現在班人係唔同人呢?
早前班係咪啲日日上網打機、download、"分享"啲人呢?
而家鬧政府嗰班又係咪啲上了年紀、道德標準高、少上網嘅一群呢?
究竟你哋想政府點先?
洗唔洗自己閉門講掂數先呢?
16 則留言:
鬧還鬧, 壹嘅報紙同週刊喺嗰邊始終橫掃~
兼且, 亦成為一主導.
巔兄,
啲人又要鬧又要睇,
你話佢哋想點先?
人類真係麻鬼煩!
真係唔睇鮮兄扑唔知中文差, what is "J女郎太超過"? "Liz 偷勾貼布小開"? 真係睇唔明... 但係個個字我都識架喎!
Imak,
我都睇唔明,
應該係台語用字吧!
"貼布小開"好像是liz條仔施明廷的外號,
詳情就唔清了!
所以而家個政府做嘢咪懶懶行囉! 好多政策議而不能決, 最後變成得個講字! 其實同而家香港個氣氛都有關架! 政府無論做咩, 行邊步都會俾人鬧, 當然有時係抵插, 但唔係係又插唔係又插架... 班官仲邊有士氣做好呢份工呢? 呢啲咪民逼官反囉...
anmary
p.s. 估唔到真係要用呢個方法留言=p
"太超過" = 過份, 誇張, 離 Q 譜~
"勾貼布小開" = 好似係指例如啲好好好性感嘅衫, 仲要再自己整到暴露 oD.
"吃了再戰 薇閣精品旅館" ---> 重點在 "精品" ---> 精呀))))))
其實台灣嘅電視一早已仲開放仲激! 香港, 唉, 已完全冇得 fight!
anmary,
所以相方面都要檢討吓,
不過政府嘅官僚作風積習己久,
睇黎都改唔到了!
巔兄,
你好似老作多嘢喎,
本書次次寫到liz條新仔 "施明廷"時,
都係前明加個"貼布小開"喎,
好似係個外號喎,
你咪呃我哋唔識嘢好喎! =p
A~ 所以我咪話 "好似係指" 囉~
但 i 同 iii 肯定係.
巔兄,
你好有硏究喎,
其餘嘅points唔信你都唔得啦~
其實我都冇回台有四年喇. 只間中同嗰邊 oD人通通電話.
呀, 補充, 台灣有非常多情侶酒店咖~
ok... 兩位兄台, 經我 google 後, 迷底已經揭開了!
"一直悄悄寄望能成為豪門少奶奶的Liz，與貼布小開施明廷近1年的愛戀終於現形！"
point ii, 鮮兄勝!!
-________-
巔兄,
我無去過台灣,
亦唔熟台灣用語,
更加唔清楚台灣有咁多情侶酒店!
看來台灣好開放咁喎!!?
imak,
又唔係比賽,
邊洗分什麼勝負呢?
不過我始終唔明"貼布小開"點解??
你估專欄例子一睇只有一個反應：
咸書
咸書出唔出得街？
出得街！但要label住18禁
佢有冇先！我估都冇lol
鬧？鬧得！不過內容唔到你鬧
鬧就鬧監管
一味鬧，就好似香港咁，係唔會變架
所以做政府都幾無奈
要好識得招呼人
伊麵丹,
所以問題就係"分類問題"囉,
佢係本大眾讀物,
但係就變成咸書內容,
係人都可以睇到,
所以佢自己要檢討吓係咪時候轉型啦,
唔好影響啲青少年嘛!
發佈留言