女人包男人!

和朋友談及富婆"包男人"，
有錢嘅男人可以"包女人"，
點解有錢嘅女人唔可以?
又唔係犯法有何不可?
其實唔係可唔可以，
而係社會接唔接受。

如果以道德層面睇，
男包女、女包男都不對，
但係時移世易，
現在無人相信這套了，
笑貧不笑娼，
大家懶理你的錢從何來，
"Cash is the King!"
(人家係講金融喎)
總之有錢就當你係上賓!

講返女人包男人，
香港大把有錢女人唔結婚，
其實唔係佢哋唔想結，
只是身邊的總是小男人居多，
學問不比自己好，
揾錢又少過自己，
根本無個揀得落手,
好少少的又名草有主，
等吓揾吓就咁無哂青春了。
有錢有能力嘅女人雖然勇戰商場，
但係閒來都想揾個男人"撒吓嬌"，
"包男人"可以是一個好方法，
不用人前人後裝成強悍的樣子，
可以讓她吐吐苦水、扮扮温柔，
又或者可以發揮一吓"慈母的特性"，
不生孩子就當包來的男人是"小baby"來照顧，
這樣不是可以平衡枯燥的生活嗎?
反正"玩悶"了又可以換人，
何樂而不為!
但是包人也要小心，
一定要選擇一些口密有操守的，
否則事後給人"爆響口"都幾麻煩!

世事那有公平，
尤其在中國人社會，
男人包女人是"風流有本事"，
女人包男人是"淫賤失婦德"，
表面上是人人見怪不怪，
背面卻變成茶餘飯後的話題，
尤其是那些食飽無憂米的上流闊太，
她們不說是非會失去生存動力的，
雖然包男人那個可以當充耳不聞，
但給人背後指指點點總不是味兒，
這樣也是無法子，
中國人就是這樣，
當面無人說，背後說不錯，
你覺得不對的可以說出口,
但中國人就偏偏愛說是非﹐
總愛在別人背後才說三道四，
不過在面前說的就不是"是非"啦!

至於有丈夫還去包男人的，
又或者是兩夫婦各自去包人，
這是一個十分複雜的問題了，
留待下次再討論啦!