男人最衰格是什麼?
不擇手段貪錢?
專洗女人錢?
有老婆仔女還出去滾?
定係全部加埋還要公佈天下呢?
最近咪有個人板唔要面去爭城中富婆嘅遺產囉!
哩條友自己又唔係無錢，
已經有幾十億身家，
又住半山區啦，
點解仲要貪人家女人錢喎?
人家啲遺產都話想捐去做善事啦，
條貪錢粉腸仲好意思"抓爛面"、爆哂啲陳年醜事出黎，
做人洗唔洗貪錢貪到咁唔要面呀?
而且自己老婆仔女大大個係屋企，
佢竟然可以大大聲咁話自己同富婆有十幾年感情，
仲話自己同富婆係"戀人關係"，
你話係咪衰格唔知醜吖?
畀佢爭贏咗又點，
佢可以抬起頭做人咩?
老婆仔女都睇佢唔起啦。
自己有本事嘅賺得幾多係自己風光，
但係要靠謀住富婆啲遺產就係賤格，
做男人做到咁真係無能用，
贏哂啲錢返黎都唔馨香呀，
簡直影衰我哋啲男人，
咁貪女人錢，
前世都唔知係咪西太后身邊嘅太監黎!
4 則留言:
人地既標題係咁話架:
陳振聰與龔如心相戀14年,好難得 ....
(下去數百字) XD kakaka ~
風子,
我無話係陳生呀,
你講喳,
不過陳生就同佢老婆結咗婚十六年囉,
咁積係點呀?
二年就出去滾呀?
都好快手喎!
哦? .....
我祗係抄寫報紙標題, 我乜都無講過, 唔覺意貼左落呢度, 噢鬼"暗"眼貼錯位tim, 可能訓得唔好呀,對事我無乜意見架,陳生唔好出律師信告我 :X
唔知人家老婆唸咩,佢全家都非一般人,"好厲害既呢"～
風子,
係囉係囉,
女人最常見嘅係講過都唔記得架,
你係咪女人吖?
哈哈哈~~~
件事搞成咁,
唔知小甜甜知道會唔會係棺材度彈返起身話:"我無講過留啲財產畀個風水佬架!"呢?
哈哈哈~~~~
陳生個老婆又真係勁,
發生咁多事都可以乜都懶理,
我早前都講過"男人背後嘅女人唔易啦",
而家又一鐵証了! =p
發佈留言