圖片:東方日報
嘩~~~~
又有平貨搶啦!
据聞有十四多萬人出動搶貨。
所見現場殺聲震天，
師奶們各自施展看家本領，
龍爪手、九陰白骨爪、少林金剛掌、乾坤大羅移....
簡直是全天下武林絶學大比拼呀，
為求搶得心頭好，各人均洗出畢生本領，
不單上下其手，而且眾人早已把生死恐置諸道外，
誓要奪得心頭好方會罷手回巢，
從昨天當場情勢而論，
恐怕連李連杰、成龍之流都望而生懼，
甘敗下風!
由昨天起連續五天，
沙田一田百貨進行大減價，
部份貨品更低至二折以下，
今次師奶們搶購貨品主要是床上用品和奶粉，
奶粉是必須品，
我明白點解要搶，
但係床上用品如枕頭被褥都要搶嗎?
自己家裏無用緊咩?
聽聞三千幾個枕頭個幾鐘頭就搶購一空了，
有人更一買就是八個之多，
難道現在一家大細都無枕頭用嗎?
又話要慳錢，
買咁多都是拿去轉賣賺錢啦，
香港人為了賺錢真係可以發揮超強嘅小宇宙架!
相關文章:
快手咪蝕底呀!
【蘋果日報】十四萬人搶平貨
8 則留言:
淨o係睇到就已經唔開胃了~~~
上個禮拜崇光大減價又係好係打仗咁,好似唔洗錢任攞,行過門口都差D俾人逼出馬路~
悟樂,
哈哈哈~~~
下個月電腦展,
可能到時啲後生仔都係咁嘅喳! =p
木頭狗,
咁勁?
嘩~~
真係唔可以睇少香港人啲"戰鬥力"喎!
好彩我無經過喳,
唔係實嚇暈! =p
我發過誓, 不再因減價買東西!!!
抵只是商人要清貨換 cash 的糖衣陷阱, 好多時買左返去其實無乜用, 最終反而仲浪費仲唔環保!!!
imak,
十分同意,
好多嘢都係貪平但無用,
有時表面好似平咗好多,
實際係商人抬高個價哩減喳,
好似今次啲枕頭話由$900幾減到$200幾喎,
其實邊樹有人會買$900幾個枕頭吖,
$200咪又係平時嘅價錢,
根本就係揾笨嘅數字遊戲!!
我開始覺得減價遊戲只有師奶岩玩.
講時間我地唔夠佢地多, 講爭野既兇狠亦唔夠, 講一副心機晨早去排隊就更加唔使預我.
有D優惠, 就係唔輪到我地去賺~ lol
oscar,
你咪話,
星期六咪有兩個大男人爭枕頭,
差啲打大出手呀,
執平貨無分男女架,
後生仔就要睇吓是什麼囉,
如果係電腦、電玩咪一樣有人去搶,
你話係未?
發佈留言