口賤身衰照收錢!

乜嘢叫做"花紅"?
唔係公司業績好賺到錢，
再加上自己工作表現良好才發放嘅"賞金"咩?

如果你係某間公司嘅股東，
發現個CEO上半年"幫公司"勁蝕800幾億，
仲要預早講定全年會蝕到1000幾億嘅，
你會唔會批準佢照收200幾百萬嘅"花紅"呢?

如果"條"CEO仲話自己已經好醒，
(恕我粗俗，我想用個"條"字來量數佢)
話自己一早已經警告過啲銀行唔好亂黎，
佢哋唔聽都唔關自己監管不力喎;
又話以全球主權基金表現來看，
自己已經是"蝕得最少嗰個"喎，
再加上有人叫佢唔好收"花紅"，
"條"友又話自己無意見，
一腳就將個波掉返畀上面，
你話哩啲人係咪面皮幾丈厚吖?

衰咗咪認囉，
世界經濟不景，
無人要你揹哂飛，
但係你唔好"花紅"照收，
把口仲要懶醒係度認屎認屁先得架，
你知唔知我哋一人要蝕萬幾蚊呀?
蝕哂我哋啲錢仲要講風涼話，
正X街X家X!