要幾豪有幾豪~~

圖片:http://www.travonline.com

全世界都受金融海嘯影響，
個個都扎緊褲頭做人，
一聽到邊度有平貨就扑去搶，
連以往華爾街班金融才俊都叫哂救命，
有啲仲折墮到連份工都無埋，
但係凡事都有例外，
好似班中東油王就唔同嘞，
你有你節衣縮食，
佢又佢繼續享受人生，
什麼金融海嘯佢一於好少理，
有油礦係手乜都唔洗驚啦。

繼帆船酒店和Rotating Skycraper後，
杜拜又有超豪創舉了，
係11月20號7星級超豪酒店
Atlantis the Palm Hotel正式開幕，
還搞了一個號稱全球最大的烟花表演，
整個島群當晚一齊發放烟花，
極盡浮跨之能事，
據聞全個開幕耗資1500萬美元，
真係手趾隙流啲出黎都發逹呀!
另外整群Palm Islands都是全人工在海中建成，
花費之巨大非油國富豪不可能做到。
Palm Islands各個島嶼連結成棕櫚樹的形狀，
島上建有一排又一排的獨立豪宅，
戶戶向海，家家有私家海灘，
主建築群Atlantis the Palm Hotel更號稱7星級酒店，
不單裝修窮奢極侈，金堆玉砌，
頂樓總統套房一晚都是廿多萬之嘛，
有興趣、有時間一定要嘗試呀!
而且酒店附有多行設施，
海洋館，水上遊樂場、海豚灣等等，
係沙漠地帶起海上樂園都算夠豪囉;
喜歡shopping的，
酒店商場設有廿幾間頂級珠寶店予閣下選購，
喜歡做spa的又有廿幾間獨立spa room任君享用，
總之要乜有乜，
要幾豪有幾豪，
只要你有錢就乜都有得你享受，
但係看看自己個荷包就乜心情都無了，
無話去杜拜吖，
就連過大海都要諗過呀，
想住Atlantis the Palm Hotel?
聽晚中咗六合彩頭獎就有份去，
而家都係發吓夢好過囉!

相關資料:
Altantis the Palm Hotel