老媽語錄:士多啤利蘋果橙......

注意:這篇很多爛口，支持不住的就不要看啊。

新鮮媽:「住樓上嗰啲正X街XX剷!」
新鮮仔:「發生什麼事?」
新鮮媽:「佢哋掉垃圾落我騎樓囉。」
新鮮仔:「見怪不怪啦，香港人唔掉垃圾落街至奇!」
新鮮媽:「但今次太過份啦，正死X街。」
新鮮仔:「好火爆喎，咁佢哋掉乜嘢落你騎樓呀?」
新鮮媽:「屎呀!仲係熱辣辣嗰隻添呀!」
新鮮仔:「唔係呀!咁賤?你又知熱辣辣?」
新鮮媽:「掉咗落黎我都要執架，一執就知啦!」
新鮮仔:「啲人真係賤到無人有，你唔係用手執啩?」
新鮮媽:「你當我儍架?佢用張報紙包住掉落黎，我再用膠袋隔住執咗佢囉!」
新鮮仔:「最衰無仇報,又唔知係邊家掉喎!」
新鮮媽:「我之前仲坐係騎樓呀，好彩我走咗入去喳，唔係實掉中我個頭呀!正"闔家腸"!」
新鮮仔:「唉~~~啲人好似無讀過書咁，咁都做得出，無哂人格!」
新鮮媽:「其實都唔係第一次架啦，以前掉過蝦殼、煙頭、連姨媽巾都掉過呀，仲包都唔包，離哂舖呀!」
新鮮仔:「哩啲人捉到一定要扣佢分呀!(公屋扣分制)」
新鮮媽:「扣分有鬼用咩!罰佢哋遊街就啱嘞，仲要掛住自己掉啲嘢係心口遊呀!」
新鮮仔:「你好絶喎，咁都畀你諗到?」
新鮮媽:「有幾絶?絶得過佢哋掉屎落街?」