我覺得這個冬天比較冷，
當然與加拿大零下十幾廿度無得比，
但是香港是亞熱帶地區，
基本上不可能低過零度，
我自小就在這裏長大，
只要温度低過十度我就覺得好凍了，
而每次温度低過十度我都有個壞習慣，
那就是不冲涼，
天氣太冷，
晚上回到家根本不想脫光冲涼，
尤其是我家位置當風，
就是把所有門窗關上都有寒流入屋，
現在最高記錄是一星期没有冲涼，
一般只是用熱毛巾抹抹身就是了。
為了避免身上有異味發出，
我會把數片噴了古龍水的咭紙袋到衣服裏，
那樣人家就不易察覺我數天没有冲涼了，
這個秘密大家不要和別人說喎。
基本上我是一個乾淨的"孩子"，
夏天我早晚都會冲涼的啊!
哈哈哈~~~~
25 則留言:
臭男人~
悄悄地告訴你...我也是啊 :p
Interesting!
I think you need something like this
hahaha....我就唔得
個人會好油...
好彩我屋企唔當風，夏天熱冬天暖，
夏天要沖3-4次，依家就兩次~~
不過我個爐係煲水式，熱水好快用完喔
一個星期冇沖涼！！！！嘩，有冇搞錯呀！係幾時嘅事先?
哈哈，不過我細個果陣都好似你咁架，但係試過最多都係三日，但係都日日有洗 patpat 同洗腳架。嘻嘻！
新鮮人,
你完全有北方人的特性,他們在冬天都好少沖涼, 但有冇你咁多人日就唔知啦 :0
但話時話,香港又唔係真係咁凍呀,怕凍可以買個暖爐呀.
我估女仔就算幾怕凍都唔會唔沖涼囉
呵呵...我會係朝早先沖囉- -夜晚唔沖
嘩,成個星期唔沖涼????????????
我唸我邊度都唔夠膽去啦 @___@"
病的時候,環境唔方便時或太夜時,這才有會發生囉 ~
乜新鮮嫂原來去咗法國！
法國人沒有沖涼洗澡習慣，
所以法國出產最佳的香水嘞，
新鮮兄已經習慣了七天不洗澡，
又學曉利用香水來掩飾著冇沖涼，
做好移居法蘭西做法蘭西姑爺準備，
可喜可賀就快便可以和新鮮嫂大團圓！
幾日唔沖涼~~~~~
太過份了~~~
翔,
英雄所見略同,
哈哈哈~~~
ruth,
嘻嘻~~~ =p
tofufa,
其實係我怕凍又懶喳,
有無這東西都是一樣,
哈哈哈~~~ =p
yanyan,
我以前都係用煲水爐,
真係好唔方便,
尤其在冬天,
冲到一半無熱都唔知點好,
而家用煤氣爐就無這個問題了,
你都換返個啦!
小豬,
我有洗pat pat同抹腳架,
問題唔大吖,
哈哈哈~~~ ^0^
木頭狗,
我應該無北方人的血統,
不過有北方人嘅習慣囉,
哈哈~~
男女有別,
女仔應該接受不到,
不過你唔記得我們在天子山那時,
大家都係幾日無冲涼啦,
你唔記嗎? 嘻嘻~~~
davidson,
朝今都好凍啊!
其實係我怕凍! =(
風子,
哈哈哈~~
所以有所謂"臭男人"囉,
好少有人叫女人做"臭女人"嘛!
哈哈哈~~~ =p
space.
你真係好幻想力,
咁都畀你"作"到,
以前間唔中都有噴古龍水,
而家少了,
不過可以掩飾吓不冲涼都好吖,
哈哈哈~~~~
dozy,
哈哈哈~~~
所以話我是臭男人一名囉! =p
頂~~~~~ 完全接受唔到! 成個星期唔沖涼!!????!?!
如果話嗰個星期係冇出度街嘅, 都勉強 okay..... 但你有外出 ga ma! 仲有, 有屙屎 ga ma!
好污糟!
你女友知唔知你好呢味嘢?! :O
巔兄,
唔冲涼唔代表唔抹身,
兩者有分別嘅!
雖然如此，唔知點解，
我總係覺得細個時0既冬天，
更凍、更有冬天氣氛，
我仲成日玩呵氣，
而家唔知係咪大個左，
慣左耐寒，凍極都唔覺得太凍，
又或者可能係室內地方去多左啦！
豆豆,
我都有這個感覺,
小時候時常有十度以下的冬天,
現在間唔中一次我們就特別覺得凍了!
記得我幼稚園時期, 香港都曾經試過得5, 6度既日子喎~
以前天氣太凍時我都會唔沖涼, 淨係開盤熱水浸下腳就算. (但如果果日有出街, 通常點都會沖.)
另外坐梳化時仲會拎埋張被tim~
發佈留言