2009年1月25日

四百蚊一隻雞!!

今朝看【蘋果日報】真係嚇了一跳,
話說九龍城街市啲活雞買到成百蚊一斤,
即係一隻三斤幾四斤嘅鮮雞要成三四百蚊,
嘩~~~去搶咩?
雖然話"supply & demand"嘅定論下,
市場價格自由調節啫,
但係都唔好咁離舖先得架,
啲供應商和雞販簡直搶錢呀,
好彩觀塘啲雞販無咁大咬喳﹐
冰鮮雞都係七八十蚊一隻,
雪雞就三十幾有交易,
至於新鮮雞我就唔知了﹐
因為要走到上去街市大樓上面才有鮮雞檔,
今日人山人海到爆燈﹐
我就無膽量和力能入去同啲師奶角力了。
雖然新鮮雞係好食啲,
但係要成百蚊一斤就太誇張了,
我就一定唔會買黎食嘞,
有錢都唔好當自己係水魚畀人檔吖,
我覺得會買嗰啲人都係儍儍哋架,
貴到咁樣咪食一次半次冰鮮囉,
你驚啲細路會分得出咩?
啲錢洗唔哂咪畀啲我囉,
四百蚊買隻雞?
食咗識飛咩?

12 則留言:

梁巔巔 說...

都係嗰句, 我真係唔明點解一定要食雞!

HK$400一隻?! X, 我加多幾舊水整隻乳豬仔 la! 喺西營盤見到HK$900幾有成隻!

匿名 說...

算啦,有些人錢多到使唔晒,咪尤得佢貢獻下囉,講真他們回到家中,一樣會大大聲話用 400 元買回來的,其實係買個滿足啫。

祝新年快樂,心想事成。

Hyacinthus 說...

"食咗識飛咩?" 唔會! 不過見被訪問者都是為了吃團圓飯,都算是駛得開心,無計啦 =)

另,新伯風子來跟你老人家拜個早年,祝願...
新伯無風也沒痛,身體至緊要健康!
諸煩惱事皆是空,新年又是新景象!
手筆隨心也行意,油博點會沒新詩?
牛年賺到滿袋錢,快d派利是俾我 =)

xiao zhu 說...

已經係子時喇!祝你牛年日日新鮮、月月快樂、年年健康!

梁巔巔 說...

新鮮兄, 祝全府上下牛年行好運! 恭賀新禧!

Haricot 微豆 說...

Happy New Year (altho we are still a few hours away here) !!!

Best wishes for a bullish year :)

新鮮人 說...

巔兄,
祝你
青春常駐,
美女常伴!
哈哈哈~~~

廣東人認為過年一定要食雞嘛,
這是傳統習慣啊!
就好似北方人要喜歡食餃子一樣囉!

新鮮人 說...

dozy,

新年進步,
萬事如意呀!

咁都好,
有啲咁嘅儍人,
香港嘅經濟會快啲復甦嘛!
嘻嘻~~~

新鮮人 說...

風子,
謝謝你呀!
我祝你:

青春永伴左右
容顏長久常駐
身體日漸強壯
好運年年當頭! =)

新鮮人 說...

小豬,
謝謝你!

我祝你牛年:
日日開心快樂,
月月出入平安,
歲歲萬事順利。^0^

新鮮人 說...

微豆,
謝謝!

祝你牛年:
身體健康,
萬事如意,
生活無憂!

imak 說...

kowloon city 我不知, 但大埔三斤都賣二百幾一隻, 好x貴!!!!!

鮮兄... 恭喜發財!!!! 牛年時時開心, 日日靚仔有型!!!