日本新聞報導有兩名香港藝人被捕，
兩人涉疑在商店偷竊及在其中一人身上搜出大麻煙，
事件引起香港市民關注。
藝員雖然是"商品"的一種，
我們看到未必是他/她的真面目，
對於他/她們的私生活大眾亦無需追問，
但藝人不竟是一眾年青人追捧的偶像，
他們的一舉一動都成為年青人模仿的對象，
尤其今次兩位藝人都曾在去年11月參加過政府的禁毒宣傳，
其間更呼籲青少年不要濫用軟性毒品，
想不到事隔四個月就發生了今次的事件，
相信他/她們都不會新近才有吸食大麻的習慣，
如果今次日本事件屬實，
那麼他們去年就是以一個吸毒者的身份去呼籲別人不要吸毒，
這真是荒謬之極，
對年青人做了負面的榜樣。
觀看近日新聞，
我們聽聞一些中學生竟然在校內販毒吸毒，
可見青少年吸食軟性毒品的趨勢不斷上升，
再加上藝人不良風氣的推波助瀾，
令到香港青少年吸食軟性毒的問題愈來愈嚴重了，
身為年青人的模範，
藝人實在有以身作則的必要，
不可以用個人私隱作為自身不檢點的借口。
回看當今香港藝壇，
炙手可熱的已是不多了，
能夠紅遍亞洲的更寧寧可數，
相反演藝水準參差又不潔身自愛的則多不勝數，
這些演藝新人再是如此下去，
不單自毁前途，
就連香港藝壇亦會一同走向絶路，
結果就是任由台灣、日本、韓國的藝人將我們比下去!
15 則留言:
i. 我成日都話, 香港, 老本唔再食得幾耐.
遲 oD上面管 o埋金融系統, 就咩都冇得剩.
自己墮落 + 土化染污~
ii. "隊" 草唔緊要, 有乜問題?! 偷嘢就抵 X 死!
iii. 譚詠麟, 黎明呢 oD收皮啦! 佢哋自己隊唔少 la 仆街!
iv. 成個娛樂圈電影界, 就我所知除咗周潤發, 劉德華同劉青雲, 其他大部份都係隊完草先演戲.
無你講得咁誇張啩,
你指年青一輩喳,
唔通啲阿姐阿叔都隊草??
阿姐阿叔淫蟲呢 oD就冇.
當然, 實有啲冇.
但好似 "冬生" 呀, "晨曦" 呀, "朝朝" 呀, "星星" 呀, "芝芝" 呀等等, 就有. 出哂名.
幕後編劇都唔少~
同意巔巔所說對草好多藝人攪創作的都有此好,根本不是什麼大件事來,其實大麻嚴格說不算是毒品.
當然凡事不管好與壞太沉迷或依賴都吾係好事.
藝人祇是一種商品,各大經理人公司打造出來的樣辦公仔.所以現在的歌吾好聽,戲吾好睇階因罐頭化,所以話模仿或作為年青人的典範...根本講出來都想笑死.
他們應是迷糊間short左至偷野然後搜出大麻.
我淨係偶爾抽抽煙,大麻...no la!
講真, 呢兩位人兄"對草"無咩大不了, 但又真係咁死蠢...... 自己袋住野就唔好去偷野啦!!!!
巔兄,
聽你咁講真係好離舖吓喎,
言下之意積係演藝圈已成吸食軟性毒品嘅温本床囉?
烏煙瘴氣喎!!!
3耳,
搞創作未必一定要食大麻吖,
佢哋覺得外國人係咁佢又咁先至型啩?
其實全部都係借口,
唔通個個出有創作力嘅人都食?
講真佢哋邊度算係創作人,
係人哋創作佢哋出黎喳!
imak,
佢哋本來都是半紅不黑,
而家仲搞啲咁嘅嘢出黎,
都係要收檔啦!
新鮮人
我當然不是指所有藝人或攪創作的都是抽大麻.個中人吾排除某部份人覺得形...但呢個機會好少啦！呢個乜年代...大麻=形...out 晒...!
以前大戲伶人亦有很多上了鴉片丶海洛英等毒癮,当時誰在禁毒,誰在販毒亦是很難分。
3耳,
我真係唔明點解要食大麻,
人食佢又食,貪過癮咩?
而家自毁前程啦,
唔洗可憐!
微豆,
我都聽聞以前啲仱人有食,
可能係民國時代遺留下來的習慣吧,
不過幾十年前都取替得七七八八了,
而家啲年青人又食返丸仔大麻,
真係攞黎賤!
不過話時話,
以前啲仱人有真材實料喎,
而家好多藝人歌又唱唔好,戲又差,
仲搞埋哩啲不良惡習,
真不知所謂呀!
所以我好鍾意Love Actually - Uncle Bill既肺腑之言: Don't buy drugs.... Become a pop star, they give you for free!" 接受係一件事, 麻木任人控制卻係另一件事.
你話藝人被選中幫政府promote有鬼用? 個個都唔識得乜野叫做"負責任". 依家仲倒埋自己米.
艾麗絲,
謝謝你留言呀! =)
食唔食係佢哋嘅選擇,
有人揸槍逼佢哋喎,
哩啲嘢都係佢哋自己嘅責任。
藝人係有知名度,
亦有推廣作用,
可惜唔係個個都有良好的言行,
政府揀藝人推廣就好似我哋買大陸貨,
好多時候買到假貨!
發佈留言