2009年3月31日

我喜歡芒果味!


哈哈哈~~~~~
夏天很快就來了,
又是食甜品嘅最好時候了,
我很喜歡食啫哩和布甸的,
其中最喜歡的當然是芒果味啦,
不過我咁大個人都未試過自己整架,
從前都是大人整給小朋友吃的,
自己只係企係傍邊八啩吓,
睇住佢由液體狀放入雪櫃,
等一晚就變成震震吓嘅糕狀,
一啖吞入口真係美味到不得了,
那時覺得没有什麼比這東西更神奇。
長大了反而忘記了這些神妙的甜品,
現在又係時候懷緬一吓啊。

前日在超市聽到一對父子交談,
父:「你喜歡食什麼味道呀?」
子:「我喜歡提子、芒果,仲有士多啤梨...」
父:「咁多種咪要分幾次整喎!」
子:「唔洗,一次過溝哂落去咪得囉!」
父:「嘩~~咁樣變成乜嘢味架?」
子:「唔知架,到時咪知囉。」
父:「唔好食嘅你要食哂佢架!」
子:「毛蚊提!」

10 則留言:

xiao zhu 說...

我最鍾意食芒果,但係就唔鍾意食芒果味嘅啫哩,覺得啲味好假。啫哩我淨係會食橙味架咋。

新鮮人 說...

小豬,
人造味道嘛,
我都喜歡食新鮮芒果,
但係細個時無得食,
有芒果味嘅啫哩食好開心啦,
而家大咗食返可以懷念吓囉! =)

Haricot 微豆 說...

有時如果我有少少腸胃不適,我会吃啫哩「頂肚」一兩日,啫哩有水份,有糖份,又不会瀉肚。這边很少有芒果味的賣,我喜欢西瓜丶橙丶桃等,但cherry 味我就麻麻。

新鮮人 說...

微豆,
我第一次聽這種方法喎,
真係得架???

匿名 說...

記得小時候都好鐘意食,我諗我係鐘意提子味!但反而好鐘意芒果布丁。

不過微豆講的方法又真係第一次聽。

新鮮人 說...

gwenzilla,
提子味都好味架! =)

anmary 說...

個細路又幾cute喎!
我都最鍾意食芒果味!
細個時第一次整食得嘅嘢就係呢款啫喱.
不過都好多年未食過喇...
你攪到我好想買幾盒返嚟整呢=p

新鮮人 說...

anmary,
夏天來了,
不如就買返幾盒來整啦,
好好味架! =p

Haricot 微豆 說...

It works for me :)

新鮮人 說...

微豆,
每個人都有自己嘅"家傳秘方",
果然如是喎!