2009年5月22日

給蠢人的勸告!


如果這個世界真係有因果報應嘅,
我認為多行善積福才是正道,
千奇不要相信那些貪財的神棍,
他們多是口才了得氹人唔洗本,
尤其是在你失意時就更加要打醒十二分精神,
因為神棍們往往看準時機,
"襯你病攞你命"。
什麼燒銀紙、種生機、滴雞血等等,
平白一看就知是騙人的技量,
但人在生病或失意時就會變得盲目,
腦部機能失調之下任人宰割。
唔想中招最好"遠小人",
什麼人才是小人?
平時講嘢似是而非,
講嘢無句真嗰啲囉,
這些人生人勿近,
否則蝕底嘅係自己!

"人在做,天在看"這句話是真的,
如果平時作奸犯科的,
燒銀紙肯定擋不了災,
不如把銀紙送給有需要的人吧!
否則就算你燒一億都只會顯示你的愚昧。

12 則留言:

匿名 說...

o gosh... don't tell me there are ppl burning $$ in HK now... or is this another metaphor?

the inner space 說...

本來不看龔如心的爭產新聞,但蛇竇內聽到,每天少15張一千呅大鈔,佢改燒15張一百呅,卒之擋不了災入監獄。
他在法庭是發了誓的 his Oath is still valid,香港政府可以控告佢,毀壞政府財物!

新鮮人 說...

gwenzilla,
是真的!
有些有錢人為了逃避官司,
會聽啲神棍講,
每晚燒15張千元大鈔,
不過根本係自欺欺人,
全部都係笨蛋!

新鮮人 說...

space,
係架,
佢咁講可能中招架,
不過唔知先前有無講掂數先嘞!

梁巔巔 說...

所以做神棍好發達! 如果唔係, 好似香港咁, 唔會有咁多友仔成仙~

anmary 說...

你令我諗起嗰條見錢會發雞瘟嘅陳姓風水師=p

新鮮人 說...

巔兄,
咁嘅錢呃到返黎都唔"卿"香,
我鄙視他們! =(

新鮮人 說...

anmary,
佢不是風水師,
係呃錢神棍兼人渣!
不配做人老公和父親,
就連做人都無資格!

anmary 說...

其實我都好討厭佢...

老實講, 佢同甜甜姐事實上係點無人知, 但甜甜姐一路都不停想搵返個老公係事實, 如果唔係仲愛個老公, 要浪費咁多人力物力? 佢又唔需要做俾人睇! 所以我覺得呢條友好卑鄙! 真係好卑鄙!!! 佢拎出嚟嘅所謂訂情信物, 好多都可以自行加工移花接木做出嚟啦!

新鮮人 說...

anmary,
無論背後嘅實情係點,
唯一可能肯定嘅係佢一心想呃人錢,
從前以前和其他有錢佬的交往,
以至到從小甜甜揾到嘅著數,
但可以見到佢係一個自大兼呃錢嘅神棍,
就好似以前皇帝身邊嘅太監一樣,
搬弄是非,
呃人騙鬼,
哩啲人要小心後尾嗰幾年!

DOZY 說...

如果俾呢個神棍得逞,以後肯定好多人做神棍。

新鮮人 說...

dozy,
而家都好多了! =(