2009年5月15日

放屁! 呠~~~~

「呠~~~ 呠~~~」
「乜你咁架?」
「做乜喎?」
「通街放屁咁失禮!」
「有屁梗係要放架啦。」
「但係哩度係街嘛。」
「咁又點呀?」
「忍住返屋企先放唔得咩?」
「放屁點能樣忍到返屋企放呀?」
「就算放都細聲啲啦!」
「乜你可以控制到大細聲咩?」
「係人都可以架啦!」
「你又知? 你可以代表哂所以人嘅蘿友咩?」
「我指一般人嘅蘿友都有咁嘅功能啫。」
「你有乜資格代表哂所有人嘅蘿友呀?我反面架?」
「咁你放嗰個屁又臭又響嘛。」
「我- 阿- 媽- 生成我咁樣都無辨法架! 呠~~~~」
「你講哩啲屁事可唔可以細聲啲呀?」
「大聲唔得架? 呠~~~~~」
「你又放啦! 被人聽到就唔好啦!」
「又係你問我先嘅! 呠~~~~」
「好囉喎,你仲放!」
「你做乜用紙巾掩住個鼻呀? 呠~~~~」
「救命!」

19 則留言:

the inner space 說...

個班人有備而來,
逼佢放屁放臭屁,
佢畀人按著個肚,
成班人一齊嚟按,
壓力就會好大嘞,
佢可以放唔臭的,
可以放細聲的屁,
但結果忍唔得到,
啲屁又臭又大聲,
若果認喺個人屁,
最多畀人鄙視佢,
錯在佢要做代表,
咁就畀人過咗棟,
當眾幫人做場酥,
兩方面都爭唔落。

Ruth Tam 說...

Very funny!

新鮮人 說...

space,
今次我同你嘅睇法差唔多喎!
哈哈哈~~

新鮮人 說...

ruth,
希望你明我背後嘅意思啦! =)

Mugen C 說...
此留言已被作者移除。
微豆 Haricot 說...

>> ... 你可以代表哂所以人嘅蘿友咩?

我雖然住在地球另一面,亦明白地您講乜!!

新鮮人 說...

微豆,
哈哈哈~~~
亙聯網真的讓你跟貼香港的步伐喎! =)

梁巔巔 說...

曾狗 <--- 又一個偽基督小人中嘅爬街!

imak 說...

乜呢篇係同曾狗related 架咩? 死喇...我完全 get 唔到 tim.............

新鮮人 說...

巔兄,
早在他競選特首之時,
己知他只是一個守門口的庸官,
何必動氣呢?

不過又有多少個真正有才能的人願意做呢?

新鮮人 說...

imak,
哩篇只係講放屁喳,
佢哋諗嘅唔代表你嘛!
哈哈哈~~~~ =p

Hyacinthus 說...

"佢"唔可以代表我...
同時"佢地"也不可以代表我!!!
呠呠~~~

Dozy 說...

我成日都聽見話,女人很討厭男人在公眾場合放屁的!

新鮮人 說...

風子,
哈哈哈~~~
呠呠~~~~~~

新鮮人 說...

dozy,
男人都好怕臭屁架!
哈哈哈~~~~~

梁巔巔 說...

imak ---> 唔掂! ;P

微豆 Haricot 說...

香港最近出咗咁多「交響樂」,令城市充滿文化氣味,您重唔去多謝您個代表!!

新鮮人 說...

巔兄,
imak ---> 唔掂! X 2

新鮮人 說...

微豆,
大把人多謝緊佢了,
佢己經應接不下,
我再謝佢,
佢頂唔順了! =P