2009年7月21日

魚肉腸~點樣開架?


魚肉腸是我小時候又愛又恨的零食,
愛它啖啖肉又美味,
恨它的包裝很難開,
頭尾的金屬圈把魚腸束得緊緊,
每次用牙齒扯極都扯唔開,
你知細路哥買到就即刻食啦,
點會咁好心機走去揾把鉸剪開喎,
最後搞到條腸溶溶爛爛咁,
諗起都覺得好無癮。

最近心癮起買番黎試吓,
結果又係重蹈覆轍,
扯到牙軟先至開到,
我知道係有橋妙可以好易開到的,
大家有無好橋指教吓呢?

25 則留言:

richmapoorma 說...

我是把香腸分兩截, 然後向不同方向扭呀扭, 直至膠紙抵受不了斷開, 香腸便分成兩段.

吱喳妹JeSsiCa 說...

o係中間既位置,
將佢扭...
順住一個方向扭一陣,
佢就會[拍]一聲斷開架啦=]

xiao zhu 說...

我從來,係,從來都未食過魚肉腸架!

細個見到好多同學買黎食,我都冇。唔知點解我一見到個樣,個腦就即刻想到防腐劑,覺得會食左好多防腐劑落肚咁,所以唔會想食。

匿名 說...

細個時我都知道有著種零食,
但阿媽話喺潰嘅細路仔至食,
我要做乖嘅細路仔所以唔食。
XZJ提到防腐劑我細個時唔識,
依家要多謝阿媽不讓我亂吃。

Space

新鮮人 說...

richmapoorma,
我試過,
有時得有時唔得,
有時啲肉會"痴"住個膠套,
效果唔係好好,
不過謝謝你的提意! =)

新鮮人 說...

吱喳妹JeSsiCa,
我試過呀,
不過個膠套好鬼"un",
有時扭到啲肉扁哂都未斷開! =(

新鮮人 說...

小豬,
你細個就識服腐劑哩樣嘢架,
我嗰時聽都未聽過呀,
不過就算知都照食,
細路哥邊會理哩啲樣喎!

uncle ray 說...

我也是從中間分兩節,不停的扭。

不是這樣吃的嗎?

新鮮人 說...

space,
你細個係乖孩子,
我細個係壞孩子,
現在大個了都是壞男子,
所以我間唔中都會食架,
哈哈哈~~~~~ =p

嘿嘿 說...

原来食魚肉腸不祗咁简单,
重有古仔听啲喎!
Ray叔叔看来最有经验扭! 哈哈哈~~~~~

新鮮人 說...

uncle ray,
我就一向係頭或尾咬少個膠套,
然後扯開來食的,
不算就唔係次次都得! =(

新鮮人 說...

嘿嘿,
這是考驗兒童諗計嘅考驗嘛,
小朋友各施各法,
睇吓邊個條橋最好囉! =p

嘿嘿 說...

Ray叔叔同你一样威势! 哈哈哈~~~~~

梁巔巔 說...

用大牙咬住個錫圈, 然後用兩隻手係咁將碌腸轉, 再用手撕開層膠.

食.

浪人m: 說...

中間扭啊

新鮮人 說...

巔兄,
我都係咁喎,
不過唔係次次得呀! =p

新鮮人 說...

浪人,
上面啲朋友都係咁講,
我試過,
唔係次次得,
不過無所謂,
最多用鉸剪!

聶秀康 說...

無食過,因為腸仔吾係咁既色,淺粉紅好難睇.

gwenzilla 說...

我同大部份人的方法一樣,打腸不停的扭,扭到不能再扭,跟住一"pak"就斷開兩邊來吃. 不知有甚麼比有剪刀更好的方法喎!!

新鮮人 說...

3耳,
腸仔係人製造出來的食品
本來是没有這樣東西的,
而肉類都是紅紅的,
粉紅色都好正常吖!

新鮮人 說...

gwenzilla,
看來不少人也是用這個方法喎,
難道真的没有其它更好的方法?

anmary 說...

我就咁用牙咬開鐵圈仔下下位置嘅膠架咋, 到而家咁大都仍然係咁食法~

新鮮人 說...

anmary,
我發覺都是這個方法最好,
唔洗弄斷條魚腸,
又唔會擠到佢溶溶爛爛! =p

匿名 說...

我有一個方法,係用牙籤在鐵環下3-4分左右吉穿(將整支牙籤穿過前後的膠膜),將鐵環當作香蕉頭拿著,而孔則面向自己。然後將鐵環前後搖擺,直至小孔裂開。然後就像撕香蕉皮一樣撕開即可~

新鮮人 說...

匿名,

這個方法有效,
不過.....
買到就想食嘛,
如果當時手上没有牙籤呢? =p