東方日報:
"多個青年團體組成「七一青年大集會」，抗議政府漠視青年權益。約四十個青少年分成三隊，分布在遊行隊伍前、中、後位置，青年聯社成員江貴生說，政府欲推出強制驗毒，變相將濫藥的責任推到青年人身上，他認為問題的根源的毒品的售價愈來愈低。另外，他們又斥政府牽頭的大學生實習計劃，名為培訓，實質是以廉價人工剝削學生權益。"唔喜歡就唔好睇，我係要鬧班廢柴!
1) 有義務才有權利，没有貢獻過社會的人無權要求多多。
2) 支持強制驗毒，無食過怕什麼?
3) 濫藥主因不是毒品愈來愈平，而是不自愛，屎唔洗錢添，又唔見有人食?
4) 如果政府的實習計劃不行，政府最好乜都唔好做，由市場定價，反正從前都没有什麼實習計劃啦!咪由佢哋自生自滅囉!有料勤力嘅會揾唔到好工咩?
政府幫人仲要被人鬧，
雖然啲政策有好多改善嘅地方，
但有啲人根本無付出過什麼，
淨係識得亂嘈和要求多多，
而家有咁多輔助都唔知足，
問吓自己點解封求職信寫到鬼咁馬綠先啦，
咁嘅料唔係攞幾千蚊仲想攞萬七呀?
挑隙星吖!
19 則留言:
同意你嘅講法。
罵得好!!!!!!!!!!!!!!!!!
小豬,
多謝你同意! orz
悟樂,
多謝你的過賞! orz
他們都生了病，
這全都是病態，
病了就要醫治，
否則病入膏盲，
就更加難醫好，
便要長期負擔，
這批隱性病人。
space,
最大鑊係佢哋唔知自己有"病"! =(
唉,靠呢班新一代, 香港還有明天嗎?
木頭狗,
係架,
就係靠佢哋啦,
死未?
一方面有人中求職陷阱
一方面D友仔就話人工低
難服侍
伊麵丹,
因為好多都係自細"萬千寵愛在一身"嘛,
一出黎咪中招囉,
唔頼政府頼邊個喎!
成年人別有用心的人政治機會主義者政棍就利用他她們有病煽動他她們組織他她們出來企圖打擊政府達到政治目的。
多謝新鮮兄憑著雪亮眼睛見義勇為仗義執言我聯同小朱姐悟樂兄為新鮮兄鼓掌希望兄臺再接再厲繼續發表棒打社會上扭曲的事件。
同意木頭狗所言將來我們社會的基層就有這一班人對他她們還能存有希望嗎？
p.s. 那位發言人 江貴生 谷歌搜尋到並已做了個連結。
Space
真係唔識珍惜機會, 人家好好地做些機會出來, 好樣給無工作經驗的年青人有學習及取經驗機會, 咁都唔珍惜, 真係離譜.
無工作經驗的人出來工作, 初始階段佢地的 work done 多數唔值那份人工, 返過來要顧主或同事提供訓練.
如果係尖子, 佢地唔洗理這些工, 如果唔係尖子, 佢地返對d咩?? 唉~
space,
你啲"集思廣益"好有才呀,
全部同聲同氣嘅都畀你拉埋一齊黎講,
給我有點"文革"感覺!
不過都很多謝你支持,
那個江貴生只找到他的言論,
但還是不知他的出處!
deepc,
這班人好自為知,
再是這樣下去,
不會有好的將來!
在加拿大很多幸運大學畢業生都係做緊最低工資嘅工作, 不幸的亦冇政府幫忙, 為什麼香港啲大學生仲要要求多多呢?
Some people have an overblown sense of "entitlement", feeling others "owe" them and they are "entitled" to these and that. Somebody should tell them to wake up and join the real world !!!
匿名,
因為他們自小受到百般呵護,
根本不知自己身在福不知福!
微豆,
對,
有些人真係以為人家欠咗佢哋,
佢哋一日唔醒只會浪費時間!
既然大家對我咁有意見,點都要入黎解下畫,以免誤會,講真,報紙o個一細段,又點樣可以表達到咁多?聽左先,聽完先決定繼唔繼續挑我那星~
由頭到尾,我都認為政府o係呢兩個政策上面完全係無「對症下藥」
青年濫藥,除左林林總總o既原因之外,其實最大o既原因係因為「成個世界唔到佢o地玩」
你諗下,你玩唔到呢個教育制度,你可以做乜?洗車?掃街?保安?洗頭?好似好多樣咁,不過無一樣係有前境,原因,係因為整個香港對商家o既政策傾斜,以前靚仔無學歷,出去做個小販,都可能有得發圍,而家,連做小販都日日畀人掃
咁如果你係呢一班根本無前途o既靚仔,而咁o岩又有包茄o係你面前,你會點諗?你會唔會考慮咁多先去索?反正橫又死掂又死,唔索同索都係做死一世牛工,點解唔索?索左仲high o的添~呢個係機會成本問題
當然,我只係講「其中一個」原因,不過我想強調o既係呢個因素,o個o的咩唔自愛呀,無家庭照顧呀,等等,都係無力o既講法,例如再問多一句「點解唔自愛呀」,咁就答唔到架啦,所以,睇濫藥問題,唔係只睇自唔自愛
再者,有趣o既係,我畀你驗左出黎,咁又點?根本個措施毫無細節及配套,就算而家唔會再有靚仔吸毒,佢o地只會shift去第二度,唔high野咪撈偏囉,或者隱蔽囉,咁樣根本就治標唔治本
個社會呢,就最期望所有青年都好似奴隸咁認命,「係架啦,我係唔得,我認命,我做死一世」,將心比己,大家可唔可以做到咁?
實習計劃亦都係同出一轍,我o地睇法好簡單,與其搞咁多呢o的一年貨仔o既實習計劃,不如做o的長遠o既轉型投資與開發,例如發展更多工業與產業,唔好獨沽一味做死金融地產,咁已經好好,搞實習計劃,畀一班原本已經well train o既大學生去做,其實係變相剝削,「至少4000一個月」,做一年貨仔走人喎,你估做到o的乜又學到o的乜?點解唔用番學徒制?點解一定要一年貨仔?
掉番轉講,政策無長遠o既眼光,我o地作為青年人,寧願唔要!!再諗諗,呢度四千個位,講明實習,即係人工一定低過中位數,咁你知o的大商家係點定人工架啦,一定會參考睇畢業生月薪中位數,咁呢個計劃咪夾硬拉低左薪酬中位數,下年畢業o既同學咪瀨野囉,仲有喎,中五中七o個o的職位都一齊拉低架,我關注o既唔係大學生值唔值邊個價,而係政策夠唔夠長遠,同埋有冇副作用
好明顯,實習同驗毒,都必定係壞影響多過好影響,咁樣仲搞黎做乜?
我出處無咩咁特別,好簡單o既o者,讀緊城大社工副學士,o係天主教勞工事務委員會度做緊o野,青年聯社成員
發佈留言