2009年8月13日

便利店一二事。


時常會到便利店買雪糕、雜誌,
付款時店員多會推介些特價零食,
自己不太愛吃零食,
所以一般都不會怎樣理會,
今天見到這款綠茶曲奇有點吸引,
便花了五元買了一盒,
不會期望有什麼驚喜,
但總能為這個下着雨的悶熱天帶來點趣味。

波仔記的叮叮飯從前只是十五元一盒,
不知何時變了十九個九了,
從前二十二元的美心焗豬扒飯是超貴的,
今天價錢還是一樣,
感覺好像抵食多了。
也對,
没有加價就當是「減價」。

不知為何每次付款後店員總要把那没用的單據硬遞給我,
十元八塊的東西我可不需要什麼收據,
請你自己把它掉到背後的垃圾箱去吧。

時常在某便利店遇到一位婆婆在店裏徘徊,
而每次都是同一位年青的女店員當值,
不知她們有没有關係呢?
是婆婆照顧初出茅廬的孫女?
還是奶奶看管着年青的媳婦呢?
真有點好奇!

18 則留言:

匿名 說...

嗄!我一向用八達通付款,便利店都冇出單過噃,定喺我無留意呢? 除非是增值時,就會多口問一句要不要收據。

個女店員好醒鏡架? 新鮮兄咁留意嘅!

至於兄臺提到網上暴力問題,我剛剛一返來,就到現XZJ處,點擊連結,讀完至知到有咁嘅事件。我昨晚見到後XZJ篇宣言,都沒有跟進。 WOW 挖人個底,都幾恐怖,死囉,E+ 我好驚呀!我真真真喺好好好驚呀!

Space

新鮮人 說...

space,
一向都有的,
只是你無留意吧!

其實我都唔係好清楚件事,
不過都估到是什麼,
這些事時常有,
一樣米養百樣人,
所以唔會放太多私人資料上網,
而且亦唔想捲過這趟混水,
好煩!

你都無乜私人資料放上網吖,
只要你唔好隨便得罪人,
唔會有事嘅,
唔洗咁驚!

梁巔巔 說...

好怕啲收銀員將找回嘅 $ 壓住張單咁畀我! 好撚煩!

新鮮人 說...

巔兄,
我同你一樣咁諗!
哈哈哈~~~~~

uncle ray 說...

你家附近沒有超市嗎?便利店的貨品都是較貴的吧。

新鮮人 說...

uncle ray,
我買的多是雜誌、香煙等的公價貨,
所以没有什麼分別! =)

the inner space 說...

看來兩位兄臺都是現金交易才有零錢找回所以出單我用八達通付款不須要找錢故此可以不出單祇在增值時涉及現金交易才會出單我想分別在于有沒有現金此乃因為審計現金交易是特別嚴謹的。

anmary 說...

我買開10蚊左右細size的波仔飯~ 不過搬了去馬灣後超市無得賣, 7仔得大size食唔晒, 所以都好耐無食過囉!

伊麵丹 說...

最近多左好多OK/7-11
多數都係請D後生既
可能係後生仔女適合品牌形象掛

新鮮人 說...

space,
好似唔關八逹通事,
係個別店員的習慣!

新鮮人 說...

anmary,
波仔啲飯都唔係好大咗喎,
你女仔比較細食了!

新鮮人 說...

伊麵丹,
好多都係新移民來的,
人工比較平呀!

匿名 說...

《《係個別店員的習慣!

喺唔喺個好醒鏡女店員給你架? 可能有聯絡電話,新鮮兄無留意啫!

Space

新鮮人 說...

space,
被人吹脹,
我見官塘大部份便利店的店員都是這樣,
死命都要把收條遞俾人,
都唔知做乜鬼!

Ruth Tam 說...

When I was in university, I taught piano and had a very tight schedule. I went to convenient stores for lunch a lot. It's the only place I could have lunch within 15 minutes.

HaPPy 說...

可能亞婆只是在涼冷氣 ^0^

新鮮人 說...

RUTH,
便利店雖然貴啲,
但係真係幾方便! =)

新鮮人 說...

happy,
或者係啦! =)