日前天水圍一名女中學生在校內企圖自殺，
從而揭發Facebook裏多個"自殺群組"，
其中一個名為「我要煉習自殺」的號召下月21日集體自殺，
事後警方抽出相關群組的青少年，
但他們只是以"玩吓啫"回應，
強調自己並没有輕生的想法。
什麼"玩吓啫"?
簡直不知所謂，
他們一時興起亂發群組，
可知隨時會有青少年一時衝動真的去自殺，
他們的腦袋生草的嗎?
是否食飽無嘢做等屎痾呀?
咁多嘢唔玩去玩什麼「我要煉習自殺」?
哩班人要好好被"治理"吓，
如果真的有人跟着佢哋所講去自殺了，
他們可否被指控為教唆他人自殺呢?
最好罰佢哋勞改做苦工，
睇吓佢哋仲有無咁得閒搞啲咁嘅無聊嘢，
哩啲人簡直係社會啲垃圾，
自己去死唔好叫埋其他人去，
最衰格就係佢哋都唔係想死，
只是貪口痕隨手係網上搞個咁嘅群組，
如果不是天水圍女生自殺事件爆出這個問題，
可能隨時會有更多無知青少年跟住去做。
筆者認為政府對一些網上群組要小心監察，
那些所謂倡求自由的人請不要再用什麼"人權"、"網上自由"來反對，
因為在這個"食飽無憂米"的年代，
不少青少年做嘢係唔經大腦的，
如果完全没有適當的監管，
到真的發生了問題時誰來承擔後果呢?
22 則留言:
做得出呢d野, 已經要去到管既地步
同埋,同時間,要諗下點解會又係天水圍....
個度特別黑暗?風水唔好??
唔該班膠官諗緊點去推行民主既時候,諗下市「民」先係「主」
哎!又係一群無聊青年搞事!
港男大力,
唔係乜都只懶政府,
政府係有責任,
但為人父母和青少年自己都要負很多責任,
養不教父母之過,
有些青少年餵得佢哋太飽了,
當佢哋唔憂食唔憂住時咪搞埋啲咁嘅無聊嘢,
你諗吓六七十年代揾朝唔得晚時,
有餐温飽都好好了,
啲細路會唔會咁X得閒搞啲咁嘅嘢!
點解乜都要懶哂政府,
我唔同意你最後的論點,
民主不是由上而下的,
老實講我唔覺得今天的香港人有足夠的民主智慧,
一人一票是必要的,
但香港人自己都要好好進修吓民主精神,
好多人心裏的所謂"民主"只是減稅、減租、減車費,
對民主的認識很有限,
我們要向前,
自選首特和議員都是最終目標,
但不是只由人家給予,
自己都要不斷提高民主認識,
不是拋蕉講粗口的就是真正的民主!
我實話實說,
請見諒!
Ebenezer,
雖然只是 群無聊人,
但不可少看這些風氣,
網上世界影響很大,
真係要好小心!
道德風氣, 教育! 道德風氣, 教育! 道德風氣, 教育! 道德風氣, 教育! 道德風氣, 教育! 道德風氣, 教育! 道德風氣, 教育! 道德風氣, 教育!
巔兄,
我都係嗰句,
佢哋食得太飽了,
食飽等屎痾嘅人就會做啲無聊嘢,
餓班扑街幾個星期,
睇吓佢哋仲會唔會咁無聊吖!!!!!
教育從來都無叫人去自殺,
更唔會叫人集體自殺,
係班扑街亂黎一通,
做父母和學校有責任!
新鮮兄... 恕我講一句說話.. 我好開心你仍然是我心目中明白事理是非黑白清清楚楚的新鮮人, 其實有一段時間我有點擔心的...
不是啱聽的說話吧! 不過我是個只說真心說話的人=p 不過我也明白, 對你們來說我可能是溫和派吧...
現在的青少年, 真的是食飽飯無事做! 而父母更不容卸責, 自己個仔都不懂教, 關政府什麼事? 就好像好多家長到仔女出問題就把責任推給學校, 你自己的子女你都不緊張, 要人幫你緊張? 有無攪錯!?
那些青少年也很不知所謂, 我自小單親家庭長大, 媽媽"搵朝唔得晚", 我跟弟弟兩個還不是正正常常的長大, 單親, 父母忙着上班, 窮, 都不是行歪走錯的藉口! 你的人生最需要負責的是你自己!
anmary,
不用擔心,
我是天秤座,
凡事都會攞個平衡,
不會盲目跟風的!
就這件事來看,
家長和青少年自己要負上最大的責任,
政府和社會風氣也要負責,
教育方面政府啲確很混亂,
年青人犯錯在所難免,
但凡事有個底線,
什麼不好玩,
集體自殺是什麼鬼玩意,
此風一定會嚴肅面對,
不可以苟同!
傻啦, 小弟明白新鮮兄既論點
當然啦, 教育,唔係主要係政府做
亦唔係,主要係教師做
而係父母!!
放心, 我都唔係癲派既人, 唔會乜都話佢係錯既~~~
都係慨歎
宜家d 父母太錫子女...
補充
可能小弟表達得衰,令新鮮兄有誤解,sorry:)
港男大力,
我都唔好意思,
用語好"直接",
謝謝你明白,
我是實話實說的人,
喜歡坦白交換意見,
就算意見不同都無所謂,
大家能客觀討論是很好的!
傻啦, 實話實說,岩ga wo~~
正常討論姐, 你又唔係講d 唔好既野
最憎就係個d 講d好唔尊重人既野....
你都知,好多人一唔同意見就發脾氣ga ma~~~
有時坦白講,仲諗到多d 野添^_^
港男大力,
^-^
在責罵他們之餘，若有人能夠關心年輕人的心情就好。
其實係咪真係我哋呢啲做細路時太生性呢? 同埋社會風氣其實又應唔應該係傳媒負最大責任呢? 點解而家啲細路好似唔知咩叫獨立思考呢? 係唔係因為乖嘅細路唔會攪事除咗攞10A就唔會引起報章嘅報導社會嘅關注, 所以我哋覺得而家啲細路全部都好唔掂呢? 點解年青人總係一代不如一代呢? 而且全球都係咁呢? 互聯網嘅發明最終結果係咪就係荼毒返呢個世界呢? 文明最終係咪會因文明而毀呢?
uncleray,
我聽夠為他們的無聊的"解釋"了!
anmary,
這個題目太深奧了,
留給社會學家推毃吧!
我都唔知道答案,
但此風實不可長!
Wah~樓上新鮮兄及大力兄真情對話喎 ~精彩哇吓~ ^^
我都係有果句講果句, 不過有時選擇唔講, 但唔會亂講.
現今的細路其實都好醒, 但有時醒左在一些唔係咁得人欣賞的地方上.
以前的人選擇及資源少, 大家都努力改善生活, 而背後又唔代表佢地盡頂聰明見識廣, 只是實事求是.
現今一代的人選擇及資源較多, 不用像前人般努力也可活得不錯, 同樣地, 他們都不是盡頂聰明見識廣, 只是他們舉動的影響力比前人大. 所以呢, 當他們生事時真是不可理會, 但不可不理.
放心, 他們總有一天長大, 到他們要教小朋友時他們就明白. ^^
deepc,
只怕他們未長大就出事了,
少年輕狂,
做出一些略超過規範的事並不出奇,
但如果去玩到"死"就太離舖,
什麼事都可以改過,
但死了就無得返轉頭,
而且仲係"叫人去死",
這種行為應當視為犯罪,
非要大大指責不可!
係... 真係好太深奧, 呢啲亦係真正我心入面嘅問題...
時下的年青人真的很無厘頭....唉....!
咁得閒, 為何不productive D呢?
雖然我以前不是很productive的青少年, 但也只是無所事事,到沒有做這些無厘頭的事呀....唉...!
gwenzilla,
簡直有破壞無建設,
都係啲父母太寵受佢哋,
食飽無憂米就係咁,
以前大家揾朝唔得晚,
有得食飽就好好,
啲人亦唔會咁得閒諗埋哩啲無聊嘢了!
發佈留言