2009年12月14日

死於封建時!


最近正在看柏楊的《皇后之死》,
喜歡看宮廷鬥爭、爾虞我詐的應該會喜歡這本書,
內容是講述由堯舜到三國時代39位皇后、妃子的死亡原因和經過,
當中有死於政治無知或野心,
亦有死於後宮爭寵亙相攻伐,
而且個個手段狠毒非常,
殘忍程度比男子亙相斬殺有過之而無不及,
筆者只是看了三份之一就給嚇得目定口呆。

我們時常聽人家說「寧得罪君子,莫得罪小人」,
但更貼切應該是「寧得罪小人,莫得罪女人」,
因為有些女性殘忍起來比男性厲害千百萬倍,
例如劉邦老婆呂雉這個婆娘,
劉邦小老婆戚姬(懿)窺視太子寶座,
直接危害到她當太后的機會﹐
呂雉對她簡直是恨之入骨,
所以當呂雉手握大權時就立刻狠狠地整治戚姬,
她先將戚姬五花大縛,
經過一輪虐待後再弄盲她雙眼,
再用煙薰聾雙耳,
然後又毒啞她,
這樣呂雉還未化去心頭惱火,
她最後把戚姬雙手雙腳全數斬去,
將她變成人棍一碌稱之為"人豬",
但又不讓她死去,
任她血肉模糊的在監牢地上碌來滾去,
不斷發出痛苦淒厲的呻吟聲,
如此狠毒的手段,
相信世上没有多少人能夠做出了。

除了後宮的"亙相斬殺"外,
《皇后之死》亦直接道出封建時代女性的悲慘,
給淫蟲皇帝看上了當然只好乖乖奉上肉體,
但入宮後亦可能終其一生都見不到皇帝一面,
因為不少皇帝後宮何止三千,
就以漢成帝劉驁為例就有後宮四萬人之多,
分成十五個級別,
不要說得到皇帝的寵幸,
就是遠遠看他一眼的機會都微乎其微,
因而大部份都只有老死宮中,
白白浪費了青春和生命。
所以從前做宮人真係幾悲慘,
千辛萬苦得到皇帝寵愛時又怕他朝失勢,
不得到寵幸又怕會老死於孤獨中,
而且後宮裏陰謀處處、波譎雲詭,
一不小心隨時死於非命,
做人難,
做後宮難中加難,
相對來講,
現代女性就自由很多了,
至少意見不合就可以分手,
不需要死守一名多情又花心的老淫蟲。

相關資料:
柏楊 《皇后之死》

16 則留言:

the inner space 說...

奉勸兄臺及早拋棄掉這本書,不要再讀埋餘下的三分之二,睇完後潛而默化,就活學活用,不經不覺 apply 了而不自知。又可能把自己的關子,開大了,開闊了,闊大了後,就很難再修窄。

xiao zhu 說...

space,你擔心新鮮會潛而默化左啲乜先?

喂,新鮮,唔該check吓你啲mail box(es) 同 chatbox 啦!

悟樂 說...

唔講唔知咁得人驚wu~~

港男大力 說...

給淫蟲皇后看上了當然只好乖乖奉上肉體????
點解會係皇后???

聽落真係好似好誇張咁....
但唔排除以前無咁既可能....
封建制度...皇后大哂....

梁巔巔 說...

而家 oD女, 直頭惡啦 X~

嘿嘿 說...

人命当彩票中,难啰!

新鮮人 說...

space,
你當我十歲孩童咩?
睇兩睇就會潛移默化?
就算化了又點呢?
我用乜嘢迷惑邊個呢?
富婆?
我唔識種生機同睇風水喎,
睇黎無乜天份啦!

哈哈哈~~~~
話時話,
你有無睇過哩本書呢?
我就黎睇哂啦,
係咪會變形呢?
下一本將會係柏楊嘅《帝王之死》,
唔知你又點睇呢?
我嗰得這本書好睇過《品三國》十九幾倍呀,
品三國嘅編者亂七八糟,
又唔統一,
根本不是柏楊自己嘅做法,
話時話柏楊講故仔係幾生動,
不過品人就無乜新穎見地了!

新鮮人 說...

小豬,
係囉,
我都唔知佢驚乜,
如今啲人咪一樣陰險狡猾,
比之從前分別唔大啦,
唔通我哋唔出街唔做嘢咩!
係未?

我今日忙呀,
無上線,
唔好意思!

新鮮人 說...

悟樂,
這只是冰山一角喳,
大把更恐佈又殘忍嘅都有,
相對黎講,
宮心計入便嘅人實在很"仁慈"啦!

新鮮人 說...

港男大力,
唔好意思,
心快打錯了,
已改正!

上述全是真人真事,
每個朝代都有類事件發生,
皇后好似大哂,
但很多在權力鬥爭中跌下來後,
一樣落得全族滅絶的結果!

新鮮人 說...

巔兄,
咁樣又唔係個個咁惡嘅,
至少梁太唔吖嘛,
係未? =p

新鮮人 說...

嘿嘿,
對啊!
一切都要靠彩數,
再加上深謀遠慮,
和狠毒手段方能在後宮生存!

the inner space 說...

新鮮兄:醉酒駕車者,個個都是認為,自己沒醉的。

新鮮人 說...

Space,
你話我醉就醉啦,
小心啲呀,
我隨時會陷害你架!
嘻嘻~~~

anmary 說...

呢本書我都有諗住買喎! 定係你可以借我睇=p

戚姬都算係死得最慘嗰個, 所以所有講惡后嘅文章都一定提到佢. 做埋啲咁天理不容嘅嘢, 所以抵呂后嚇傻自己個仔, 做幾年皇帝仲死埋... 真係"報應報在兒身上"也...

新鮮人 說...

anmary,
我是在圖書館借的,
所以不能借給你了,
現在為了慳錢慳位,
多數係圖書館借,
非常方便呀!

所以話呢,
女人毒起上黎勁過男人好多架!
哈哈哈~~~~