2010年4月21日

青森蘋果汁


在日式超市買的「青森蘋果汁」,
標榜由日木青森縣新鮮蘋果製成,
無加水、無人造色素、無防腐劑,
一公升賣39.9塊錢。
青森我没有去過,
青森蘋果我更没有食過,
聽人家說青森蘋果點好點好,
於是就破例用這個價錢買了一樽回家,
試飲後感覺是可以的,
但味道很甜,
甜到令人懷疑是否真的没有加糖,
如果真的是這樣甜的,
是否應該加水溝來飲呢?
值唔值就要睇個人了,
不過在維他命C來看,
相信不會和大陸來的有很大分別,
這種青森蘋果汁嘗試過就算,
我不會花幾倍錢來買差不多的東西!

日本仔產品形象包裝是一流的,
由宣傳到產品包裝都恰到好處,
只是普通的蘋果汁就可以賣貴人家幾倍,
相反內地啲蘋果就平到無人買,
可能會有人話日本青森蘋果真係好食好多的,
但是好吃的中國蘋果也不少,
可是怎樣也賣不到日本貨的價錢,
所以話東西好不好不是最重要,
最重要還是如何令產品看來很珍貴,
人家賣一樽好過你賣三樽呀!

8 則留言:

the inner space 說...

富士蘋菓也有移植到中國土地種植繁殖,你這瓶青森蘋菓汁,會不會是移民了中國的青森蘋菓,揸出來的蘋菓汁呢?

遊日本,我曾在青森買過蘋菓吃,但覺得不及在長野產的蘋菓好吃!

維基百科:青森縣


Space

梁巔巔 說...

人哋民族性, 起碼喺包裝, 細心方面, 係嬴晒我哋, 冇得講.

當然, 好睇唔好食又係另一回事. 但都好過內地唔單只唔好睇, 仲唔入得口~

新鮮人 說...

space,
產品來源地寫着日本的,
而且包裝也是用日文寫,
兼且是在日本超市買的,
應該是日本出品!

gwenzilla 說...

香港一向都有賣不少日本產品,且賣的價錢比較高,有時我都不明白為何能在香港這麼受歡迎.

新鮮人 說...

巔兄,
內地大把好嘢,
地大物博呀,
不過啲人貪心想賺快錢,
才會搞到咁多衰產品囉!

新鮮人 說...

gwenzilla,
香港有部份很"哈日"的,
凡是日本的東西就覺得特別好,
香港人又喜歡去日本玩,
有些人年年去不同的日本地方玩的!

聶秀康 說...

個人來說韓國的瓶果超讚,外表好醜但真的好味,$10@得閒試試,冇渣清甜。

新鮮人 說...

3耳,
十元一個都唔平喎,
不過人一世物一世,
試一試都好噃,
日式超市有得賣嗎?