2010年5月12日

方便湯包


很久以前已經見過這種預先包裝的燉湯了,
前幾天心血來潮買來一試,
感覺是不錯的。
一盒有兩包,
每包份量大約一碗左右,
只要放入滾水煲四分鐘就可以,
非常方便,
而且材料不少,
有幾塊雞肉,
少量鯊魚骨和數片鮑魚,
味道不俗,
不過應該有少量調味劑,
即係味精,
耐不中飲一次無妨。
雖然這些湯包絶對不能和自己燉的相比,
但係有時放工唔想煮又想飲啖湯水的話,
這算是方便經濟之選,
價錢只是39元多,
自己煲都唔得啦,
係未?

12 則留言:

港男大力 說...

好少飲呢D 湯包...
學呀媽講, 想飲既, 買料自己煲....

新鮮人 說...

港男大力,
有時間有人幫尚然唔會飲即食湯包啦,
如果無時間又自己住嘅,
返到屋企攰到死,
唯有間唔中飲吓嘢啲囉,
滾湯仲有時間,
煲湯就唔係人人有時間嘛!

Ebenezer 說...

一條麻甩佬自己煲湯俾自己飲,幾許滋味?

新鮮人 說...

ebenezer,
幾滋味架!
哈哈哈~~~~

the inner space 說...

除了老媽子的愛心靚湯
中區可以去“蛇王芬
他們的燉湯很多選擇
水準和份量都足夠

我的:舊文

梁巔巔 說...

好鍾意食呢啲!

多謝介紹! 喺邊度買?

嘿嘿 說...

南方人爱喝汤,尤其是广东人。呵呵~

新鮮人 說...

space,
很少去中區!

新鮮人 說...

巔兄,
榮華餅家有售!

新鮮人 說...

嘿嘿,
對,
飲湯可以滋潤吓,
對身體有益的!

DeepC 說...

榮華的products真係越來越多, 現在連湯都有, 犀利.

新鮮人 說...

deeepc,
我估除咗餅食外,
其餘又部份都係攞人家生產的加上自己牌子賣,
榮華扮演trading咁嘅角式而已!