火都黎埋!

星期日同一個老土怪吃了餐飯。

「大陸啲雞唔會係"甜"嘅! 佢哋鐘意食咸雞。」
「係大陸如果見到碟餸咁樣，實會即刻"少九"佢兼叫人換過佢啦!」
「你哋覺得哩間嘢啲嘢食好好咩?大陸好多好味過佢啦!」
「乜香港人依家出街唔係食咸水魚咩? 食烏頭好咩?」
「啲大陸人真係好有錢，餐餐都大魚大肉!」

「佢哋唔食甜豉油咪唔識食"甜雞"囉!」
「有問題梗會叫佢換，不過唔想少少事就搞大佢啫，息事寧人呀!」
「大陸係好多好好食，但係好多時唔知食咗乜嘢落肚架!」
「有錢就要食海魚架? 啲蘇眉、龍躉就係俾啲暴發戶食哂囉!」
「挑! 上面乜都好你又唔移民返去。」

睇佢講嘢嘅態度就火滾，
真係懷疑佢係咪係香港出世同長大架，
上面乜都好，
上面啲人大把錢係佢哋嘅事，
但係我知上面好多人嗰格好衰好賤，
為咗揾錢乜都做得出，
最近班友仔炒完辣椒又話炒綠豆啦，
挑隙星吖，
發錢寒呀?
有錢又有乜用呀?
個格衰呀!
綠豆都當期貨炒，
正白痴!