2010年5月30日

愈黎愈差!


(此圖的醬汁是經過投訴後添加了的)

喜歡吃MOS是因為它用料不俗,
肉類新鮮且醬汁豐富,
但今天那個新出爐的蝦肉漢堡卻令我大失所望,
問題主要出在那個番茄肉醬上,
看宣傳圖片時見它醬汁激多,
但到手時竟然完全没有任何番茄醬,
把上面那層麵包拿開還是不覺有任何醬汁,
經過再細心觀察後,
才發覺在炸蝦肉上有一Pat大約一元硬幣大小薄得透明的番茄醬,
真係唔見又至可,
一見火都黎埋,
佢唔記得落都無所謂,
但係明明落咗又落到咁樣算係點?
雖然話宣傳圖片嘅嘢唔可以盡信,
但係做生意都唔可以離舖到咁誇張架,
於是我立刻攞住個包走返去前台大大聲問佢哋係點?
少極都無理由少到咁架,
想點先?
一滴咁多多當我乞兒呀?
隨後佢哋係咁話唔好意思並立刻同我加返啲醬汁,
有人話我咁投訴法因住被佢哋整蠱,
我就話知佢咁多,
最多我眼定定睇實佢點落囉!

MOS話貴唔貴、話平唔平,
$22一個都唔可以太離舖啩,
幫襯佢係知佢日本公司品檢嚴格,
食物好味又多汁,
實物不會和宣傳相差太遠,
但近幾次嘅經驗讓我大失所望,
不但食物賣相愈來愈差,
饀料鬆散、醬汁愈來愈少,
價錢卻暗地裏不斷提升,
回顧她初來港時的高水平食物質數,
真的不知何解他們的質數會每況愈下,
如果情況繼續下去,
為何我還會多花十多塊錢去光顧?
倒不如去食十元八塊的麥記仲抵了!

10 則留言:

希樹 說...

連 mos burger 都變成這樣子
看來選擇愈來愈少...

新鮮人 說...

希樹,
希望只是個別例子吧,
其他的分店唔好咁樣就好了,
我食那間是在AMP的!

嘿嘿 說...

不喜欢饭团的吗?

新鮮人 說...

嘿嘿,
飯團不是我杯茶!

Ebenezer 說...

MOS Burger 嘅質素事實上正急劇下降,佢比以前已經cheap 咗好多,分店地點亦連屋邨街市鋪都有,佢地好明顯轉咗定位,d野差晒係可以想像嘅!

新鮮人 說...

ebenezer,
如果佢哋咁想法就大錯特錯了,
喜歡吃mos的不是因為佢平,
而係因為佢質素較好,
如果想轉target ground,
即係要和麥記鬥,
但佢點平都唔會夠麥記平,
食開麥記嘅更加唔會願意俾多十幾蚊食一個質素愈來愈差漢堡包,
現在搞到高唔高低唔低仲死火,
咁落去遲早執笠!

梁巔巔 說...

You know, this is 大地產商又一貢獻!

DeepC 說...

看到這個level的包包, 令人回想學生canteen的快靚正平漢寶啊.

新鮮人 說...

巔兄,
租金係另一個問題,
當初來港時已經知道,
不能夠用這個做借口,
麥記咪又一樣面對這個問題,
雖然麥記的味道更差,
但至少人家平mos成倍嘛!

新鮮人 說...

deepc,
學生時代的平價包包?
你唔講又至可,
一講又有啲似噃!