好耐都無睇生果日報了，
因為覺得佢哋講嘢唔夠客觀，
其實依家市面對邊張報紙會客觀呢?
不過今朝經過報紙檔見到佢哋嘅頭版，
終於忍唔住上網睇吓講啲乜，
結果令我更睇唔起"民見聯"班老屎忽，
做過就認啦，
所謂"錯就企定"，
有吉士嘅就認咗佢，
無嘅咪唔出聲囉，
做乜咁cheap唔認數呀?
當年大公報都頭版認哂叻啦，
依家又話唔係班左仔經手算點呢?
社會動蕩有意外死傷係唔奇，
但係林彬單嘢好明顯係有人刻意策劃架，
做咗都唔敢認仲要反咬人一啖，
哩班 X 樣無 X 用到痺，
佢哋梗係想5月16日嘅投票率勁升啦，
本來我都未諗定投唔投，
而家見到佢哋班粉腸咁 X 樣真係要認真諗吓，
你話哩啲係 民主派 嘅政治技量都好，
哩舖班 "民見聯"輸Q哂啦!
延伸閱讀:
唔認左派殺林彬
29 則留言:
話知班粉腸講0的乜，為左我地既將來，516去投票去表達我地既意願。
翔,
可惜我嗰區兩個人根本係同一派系,
一個仲係'口靚"仔嫩到爆,
都無得揀,
點投呀!!???
我同你都係住同一區，今次都係為民主普選議題而投。只要有參與投票，拉高投票率，將來就唔會有位俾人入，話香港人反對普選，乜乜义义。
翔,
我的投票區在老家,
不在觀塘,
對於是否應該立刻有全面普選,
我有保留的!
老家在 where?
老家在 where?
就算不為普選，也為自己將來的生活方式去捍衛啊，把殘民自肥的功能組別踢走。
巔兄,
老家在黃大仙選區!
翔,
這是很矛盾的,
功能團體係過時嘅產物,
應該取消,
但又唔想成為某些黨派嘅政治工具,
香港有幾多個議員真係為人民服務?
唉~~~~
选选选！！！
大家都在选！
嘿嘿,
你講"選"嗎?
選擇權是人類最基嘅權利呀!
是啊，英国大选刚选完，又来菲律宾………………
在发展国家，上了轨道的国家是没问题。
最可怜的是那些贫穷国家，选举多是舞弊的，黑金、作弊……无奇不有，有效吗？一次的选举花掉的费用可养活几多人的工业设施。但是，还有什么更好的方法吗？
有人建议只选总统和国会，其他的省级官职由总统提议，再国会批选而定。这样剩下来的钱可用在国家建设和提供更多就业机会。
你有什么看法？
嘿嘿,
問題不在於選舉而在於人性嘅醜陋,
就算無選舉一樣有人貪污,
我們不可以斬腳趾避沙蟲!
新鮮兄,
我地唔能夠擺脫政治既影響，就算投定唔投都會俾唔同既政黨利用黎詮釋。最重要既係你而家仲有選擇權，仲有任意選擇既自由。
新鮮人
我也在頭痛516應該點做, 投?不投?投白票?投邊個好? ><
翔,
我同意你嘅睇法,
但因為我個區嘅候選人乏善可陳,
無其他選擇,
所以才會令我卻步,
依家我仲未決定,
要好好想吓!
macy,
這個要認真想清楚啊!
既有補選機制, 政府就要中立, 很討厭它以不同的大小動作打壓補選, 小家得很! 我係九龍西的, 516我會去投票, 還要投黃毓民, 雖則我不認同他的過激言行, 但比起某某某高官或是民建聯? 我更加支持佢他!
ps.假若你沒人選,也可投白票,盡自己的公民責任,也同時告訴政府你也珍惜手中的僅有一票,不要像他他還有他的在位者,事先聲明"不盡公民責任" =)
風子,
謝謝你的意見,
我會考慮考慮!
我覺得週日的”五區補選變相公投“ 和 “誰是殺林彬的兇手“，是兩件事。應分開來判斷，硬要拉埋一起，並不合理。
所以不會動搖我已作出的決定。
Space
exile,
謝謝你的意見,
我明白你的意思,
會想清楚才決定如何!
space,
係兩件事,
但卻很清楚的反映了某些人的真正嘴臉,
讓我更明白他們的人格和處事手法,
對我的決定有很大的影響,
我絶對不會選擇一些不誠懇和虛偽的小心做議員的,
雖然他們今次無派人參選,
但日後如何選擇,
我已經心裏有數!
EXactly, bbf
”殺林彬的兇手“民建聯今次的傳譯，令他們大大失分，有良知的選民，應該知道下次選舉如何選擇。
”五區普選變相公投“若參與週日的補選，泛民又會怎樣去傳譯投票數字呢？怎樣來傳譯投票結果呢？解釋權在泛民一方，我們小市民沒有他們的渠道。我對”五區普選變相公投“背後動機存疑，所以不會動搖我已作出的決定，亦不會讓我的一票，被利用來傳譯不是我的意見。
Correction 上面的
應為：“五區補選變相公投”手文之誤，抱歉！抱歉！
space,
請讓我引述上面exile所言:
"You vote for the less of the two evils. No candidate will be perfect. Never miss any opportunity to make your voice heard. There will always be conflicts among the people. At the end of the day, you gain some, you lose some. That's democracy.",
我覺得佢講中了要點,
無話我們點決定都有得有失,
無嘢係完美的,
人利用我,
我利用人,
避重就輕之下,
我會以基本重點為依歸!
新鮮兄：今次補選不是簡單的填補空缺，You vote for the less of the several evils ，這是公民黨和社民連，推出的變相公投。前些時公社兩黨更加推演成“五區公投，全民起義！”仲攪到要話“解放香港”添。
若去投票給公社兩黨候選人，將被解讀成支持：“全民起義，解放香港！”投了票後，小選民沒有聲出，把口在公社兩黨處，他們有向傳媒傳譯選票的渠道。至於其他候選人不提也罷！
我不是想左右你的選擇，祇是指出個 possible consequences 有關連帶關係（死嘞中文應該是點譯呢？）
humbly yours
SPACE
space,
如果將"投票" = "解放",
咁樣係唔公道的,
"解放"係共產黨嘅用語,
人們所恐就是共產黨,
之前某一個"社民聯"衝口而去,
結果就俾人執住黎講了,
如果我們連真正嘅共產黨都咁"親近"了,
仲會怕那些"假解放"嗎?
哈哈哈~~~
如果投票代表"全民公投",
那麼不投就會被詮釋為"不支持普選",
我相信事後一定有人咁解釋的,
兩者選其一,
我選後者!
除社民連和公民黨五子外，今次其他的候選者，若不是做媒的，就是唔夠班的，缺乏有分量的人出來參選，五子肯定可以重返立法會。
但投了票卻被會解讀成，支持他們辭職。不投他們一票，令五子祇能低票重返議會，讓他們知道，選民有票在手，可以選你入去，也可以選其他有分量的人入去，不會畀五子睇死，冇佢地不成！
我最不滿是五子辭職，要政府攪補選，浪費公帑。還有的是他們的公投是2012年普選，我不贊成兩年後就普選，因為選民還沒成熟，咁早普選，是帶來災難多過民主功效。
末了，到此為止，多謝新鮮兄讓我發表意見。
Space
SPACE,
我都知這是兩難局面,
投又覺得俾人利用,
唔投又怕中央以為香港人唔贊成普選,
所以這才是我難決定的原因,
不過民主應該是要向前走的,
縱然可能會走快咗,
但不會去到泰國咁嘅情況,
總好過人家以為我們不想要普選!
發佈留言