2010年6月1日

是愛還是害?


聽講話今天係國際兒童節,
咁樣做大人嘅係咪要做啲嘢呢?

近期電視上又再出現那個"小童補充營養奶粉"廣告,
廣告裏那個小朋友魚又唔食、菜又唔食,
做父母又唔敢強迫他進食,
在非常擔心的情況下,
終於救星出現了,
那種奶粉不單能夠補足營養不均,
而且味道又美味喎,
以後小朋友點樣偏食都唔怕,
淨係食啲香口嘢好似薯條、蝦片、糖果都無問題啦。
現在嘅父母對子女照顧真係"無微不至",
啲小朋友話唔食就唔食,
做父母嘅就只有屈服遷就,
千辛萬苦都要揾到方法去補救孩子的壞習慣,
凡事都會順着小朋友嘅喜好去做,
這樣發展下去,
結果會如何呢?

從前是没有國際兒童節的,
小朋友天生天養,
很少揀飲擇食嘅習慣,
可以吃飽已經很好了。
現在生活條件好了,
大家都大力提倡好好照顧兒童,
究竟怎樣的照顧才是恰當呢?
吃少點又怕他們餓親,
著少點又怕他們冷親,
把他們投放到一個玻璃室裏去般,
對小朋友百般呵護、照應週全,
只要小朋友喜歡的,
無論錯與對,
父母都會一一照做,
但這樣滿足他們所有的要求真的就是愛他們嗎?

22 則留言:

Ebenezer 說...

我只記得香港兒童節係4月4日,你唔講都唔省起今日係國際兒童節添^^

匿名 說...

新鮮人

沒錯,父母有時都要去上上堂,
學習一下才會知道自己的不足
之處。

我想,每對父母都要反思...
你同不同意?

Ivy

匿名 說...

新鮮人

忘了跟你說,旅行去不成了,
手信要留待下次啦~~

Ivy

新鮮人 說...

Ebenezer,
我都是聽人家說才知道今天是國際兒童節,
其實都無所謂,
只是借題發揮啫,
哈哈哈~~~~

新鮮人 說...

ivy,
完全同意你,
做父母唔識教就要學,
唔係盲目寵愛就得,
否則可能係搞出一個生骨大頭菜出黎!

今次去不成不緊要,
遲啲去吧,
不過都要拍靚靚照片喎!
^-^

樂遊 說...

我自問都有點揀飲擇食,但係我從來無視這件事為甚麼合理正確的事,所以對果個廣告超級反感,真係見一次就小佢一次。我估國際兒童節不是給本港兒童的。首先,他們很多都天天都是兒童節;第二,香港不少兒童都早已成了「小大人」、「老人精」,思想隨時比你和我更pragmatic,無童心的都係兒童?一個人狼心狗肺,你都唔當佢係人啦。我估這些國際兒童節是給那些由於被迫當童兵、童工而失去童年的兒童,給那些饑餓渡日,被迫「偏食」的兒童
這個世界,物以罕為貴,以前(即如我以前的同學仔)一個家庭少則兩個,多則三幾個,父母又唔係有米,你唔食,其他搶住食。現在係一個家族才有一兩個,當然緊要啦,即係大熊貓一樣,再咀刁,都無人會「丟」佢。

新鮮人 說...

樂遊,
哈哈哈~~~
第一次見有人比我更討厭那個"廣告",
我都好憎,
啲父母睇咗以為咁做就係錫個仔女就死火啦,
我都好討厭啲老人精,
吋爆又口臭,
以為自己好叻好醒,
目無尊長吋吋貢,
見到我就想大巴大巴咁打佢哋!
哈哈哈~~~~

macy 說...

新鮮人

哈! 原來你都留意呢個廣告. 認同樂遊的話, 我覺得呢個廣告好有問題. 所以早几日同阿仔一齊睇電視, 見到呢個廣告, 佢好留心睇,

我問阿仔: 係米咩都唔洗食, 淨係飲呢種奶粉就得架啦?

阿仔好認真答: 梗係唔係啦, 小朋友要食飯, 魚, 菜, 肉至得架, 奶, 得閒先至飲啦.

我乘機話: 係咯, 呢d廣告係用黎呃小朋友架, 千祈米信.

我諗呢個廣告唔係呃小朋友, 係呃大人.

我無慶祝咩兒童節架, 嘩! 佢地平時都大爺咁架啦, 仲洗咩慶祝!

我個仔食飯牽長牽短, 嫌三嫌四, 我通常都叫佢唔好食, 行開, 用番我阿爸的方法, 最有效, 食少一餐, 係唔會死架嘛!

嘿嘿 說...

童年已过,童心未泯……

梁巔巔 說...

質 Q 班打歪食足一個星期 "豬哨" or _, 保証佢哋唔單止唔再偏食, 仲咩都好開胃!

新鮮人 說...

macy,
很同意你的教兒方法,
唔食咪唔好食囉,
餓得幾餐都唔會厭三厭四啦,
仲要唔好俾零用錢喎,
唔係佢哋一樣會係出面買啲口垃圾食,
咁樣就無作用了!

新鮮人 說...

嘿嘿,
童心未泯是好事,
保持小孩子的心境會讓人更年輕的!

新鮮人 說...

巔兄,
完全同意,
agree no more!
餓佢哋幾日,
到時屎都搶住食呀!

gwenzilla 說...

死啦!
自己做了母親還真的怕寶寶:
>>吃少點又怕他們餓親,
著少點又怕他們冷親,<<

我不想我的孩子做了温室的小孩哦!!
我不想我的孩子有偏食的習慣哦!!

匿名 說...

我都好討厭啲老人精,
吋爆又口臭,
以為自己好叻好醒,
目無尊長吋吋貢,
見到我就想大巴大巴咁打佢哋!

餓佢哋幾日,
到時屎都搶住食呀!
------------------------------
新鮮人

睇你咁樣講嘢,真喺好驚,因為好暴力,
用循循善誘的方式先至啱喎...

Ivy

新鮮人 說...

gwenzilla,
做人父母甚艱難,
有辛苦亦有開心,
看着子女長大會很快樂,
不過教育子女唔易,
真係要好好向人請教啊!

新鮮人 說...

ivy,
好明顯我是不喜歡小朋友的,
尤其是現今嘅小朋友好無禮貎,
家長唔識教,
所以很多都目無尊長,
自己想點就點,
我都明白教小朋友唔可以太強硬,
但亦唔可以太遷就,
有時適當的"強制"是要有的,
當然教育小朋友唔容易,
不過我強烈反對現今的家長用的遷就方法!

anmary 說...

我從小都是揀飲擇食的細路=P 我細佬跟我的口味也差不多. 但我父母都是什麼都吃的人, 只是對味道也很挑剔.

大約十年前, 我在家裡看了一個有關人體的Discovery Channel節目, 那一集解構的是舌頭, 而裡面說到有些人為什麼會偏食, 其實是他們天生比其他人多幾十萬個味蕾, 所以他們可以吃到其他人吃不到的味道, 也因為此他們會偏食. 而偏食的人大多不吃的東西也很類似, 因為這些食物對他們來說是真的難吃!

我看後立即跟我媽說: 原來我跟細佬偏食是生成的XDDDD

不過, 返回你的正題, 我覺得現在的小孩太幸福了, 幸福到一個已經不知幸福為何物的地步! 政策上又越來越多保障兒童的法案, 雖然不能說是壞事... 但我又不覺得全然是好事... 人們又生得越來越少, 他們在家都是經萬千寵愛, 長大又怎去面對這個社會?

不過這人個情況好似開始改善, 新一代(80後?), 我看到很多都比我們70後早結婚, 早生小朋友, 也起碼生兩個, 而且因為他們看到90後的不濟, 所以在教養上好像比較着重"不要把孩子"寵壞的方向走. 不過仍然見到很多只管寵卻不懂教的父母...

我個人認為啦, 小朋友唔跌唔大, 根本不用替他們事事緊張, 這樣的小孩將來長大無論身心都才能堅壯!

新鮮人 說...

anmary,
老實講,
從前生活艱難,
一家有四五個小朋友,
可以吃飽就很好了,
我相信你講的味蕾敏感理論,
但如果將這些小朋友放諸於從前,
他們就不可養成偏食的習慣,
什麼叫"很難食",
没有東西才是最難,
家長絶不可以讓小朋友偏食,
習慣了,
對身心都不好!

anmary 說...

也對, 阿媽個年代真的有得食已經好好, 還挑!?

我們這些70後, 成長時正是香港開始起飛的時代, 才有可以有得揀. 不過我也不是非常偏食, 很多不喜歡吃的都不是不肯吃, 只是有得揀就不會吃. 完全不肯碰的一定有別的原因, 吃魚我會嘔, 吃西芹會頭暈, 而各式香草類的香料就真的是完全接受不了... 不論中西...

我也讚成小朋友要均衡飲食, 如果他們真的有些東西不肯吃, 我會看看有沒有其他食物可以補足相同的營養, 但如果沒有, 我也會強迫他們吃的=p (好似我不能吃魚, 我媽就煲魚湯, 我還是想吐的, 不過還是會喝完一整碗的... 因為知道媽媽是為了我好.)

新鮮人 說...

anmary,
如果去到嘔的地步就可能身體有特別的地方,
可能會看看醫生了!

新鮮人 說...

anmary,
如果去到嘔的地步就可能身體有特別的地方,
可能會看看醫生了!