昨天看電視肥皂劇時，
見到韓瑪莉佢開口埋口都話自己全家係"blue blood"，
又睇唔起自己兒子嘅"草根"女朋友，
又話住油麻地品流複雜下等人，
仲有佢嗰個八婆姑仔諸多事實，
搞事搞非去侮辱"屝利妹"，
真係睇見就眼火爆，
好想大大力咁舂佢兩個幾嘢，
邊有人衰格成咁架?
啲所謂"Blue Blood"就係指嗰啲血統純正的貴族、上等人，
我唔知道幾時候有些人被評等為高人一等的，
唔清楚咁低能嘅介定係點樣產生出來，
也許是封建時代遺留下來的產物吧。
現在22世紀10年代啦，
乜仲有人會咁樣諗嘢架?
我哩啲草根階層真係見識少，
從來都無接觸過乜嘢貴族、上等人，
好彩無咁嘅機會喳，
唔係真係失禮死人!
貴族我就無機會接觸過了，
不過啲自以為有個臭錢就大Q哂嘅八婆我就見識過嘞。
話說某天我到某銀行仔入錢，
成間銀行仔得兩個櫃位，
一個仲係俾"尊貴"用添，
若然無"尊貴"嘅人時，
我哋啲草根小民都一樣可以使用的，
相反有貴客到時就要俾啲尊貴客人先用了。
嗰日剛巧又係無尊貴嘅客人，
我哋啲平民百姓就照樣使用嗰個"尊貴櫃位"了，
就係哩個時候就有一個著得比較光鮮嘅女人衝入黎，
四十幾歲上了淡裝，
後面仲跟住個廿歲左右嘅後生女，
哩個婦人一衝入黎就直接衝埋個尊貴櫃位度叫，
「我係尊貴戶口嘅，係咪唔洗排隊呀?」
其實嗰時櫃位職員仲係度同個阿伯處理緊，
但係個婦人貴客係咁強力"Bell"開個阿伯，
嗰後生女係後面拉住個婦人叫佢排隊先，
嗰個女人仲大大聲咁講:「我係尊貴戶口架，唔洗排嘅!」
搞到成間銀行嘅人都望住佢哋，
最後職員叫佢企係側邊等等，
搞掂個阿伯就立刻同佢做喎。
睇見哩個八婆嘅劣行，
我真係"慶Q"哂，
走時見佢企正我路口就大大聲咁同佢講:
「唔好阻住個路口，唔該借借!」，
不過佢當然聽唔到我哩啲草根講乜啦，
結果都係嗰個女仔拉開佢，
哩啲咁嘅八婆真係不知所謂，
多少少錢擺係銀行就咁大枝嘢，
如果佢真係億萬富翁嘅咪對眼生係額頭?
有錢有乜用，
無修養又無品，
尊乜貴吖?
衰格就真!
12 則留言:
依家的確經常會睇到有依尐人~~~
社會其實亦一直做緊分化的動作.
銀行就是一個很好的例子了~~~
悟樂,
你都見過類似嘅"上等人"咩?
銀行做生意,
見錢開眼,
佢係梗會服侍啲大客先啦,
依家社會係咁現實,
鬼叫我哋係草根咩,
唉~~~
我都識d有錢人,真係好有錢果d唔會咁寸,反而會好收藏,慌死人知佢有錢添。
姨姨應該以為自己好有錢先咁寸!仲有,係唔係上等人唔係睇佢d錢,係睇佢個格。
Ebenezer,
我都聽聞真係好錢嘅人唔會好浮誇,
不過就唔知佢哋心裏會唔會覺得自己係高人一等了,
哩個係個人修養問題了!
更 X 更醜陋係, 唔係 blue blood 扮 "拔甩", 唔係貴族扮貴族, 臭肉扮叉燒~
巔兄,
我覺得根本唔應該分貴族唔貴族,
人人平等,
無話邊個貴啲嘅!
对啊！蓝血就是Royal Blood！
可是，我的是红的！
Working in private banking, we distinguish between 有錢 and 有D錢. 有錢 is US$10 million at least. US$50 million or above is very 有錢.
嘿嘿,
我都是紅的,
很正常!
嘻嘻~~~
ruth,
無論真係有錢,
還是很很有錢,
人人都是平等的,
唔可以持勢凌人嘛!
Ebenezer講得對，真正有錢的人不是這樣的。
你所提到的這類人其實是比草根的人多了一個銀碼大一點點的儲蓄戶口吧了，加上超越大戶（真正有錢人）有時在後面的office講大錢時會跟手做埋架。
gwenzilla,
我都相信我見到那個不是很很很有錢的人,
不過亦不代表真係好有錢嘅人一定無問題,
大把大錢人仲衰格,
只是不容易讓我們看到的!
發佈留言